ಸುಧಾತುಲ್ಯಜಲೈರ್ಯುಕ್ತಾ ಯತ್ರ ಸರಃ ಸರಿದ್ವರಾಃ .
ತಸ್ಯೈ ಸರಃಸರಿದ್ವತ್ಯೈ ಮಿಥಿಲಾಯೈ ಸುಮಂಗಲಂ ..

ಯತ್ರೋದ್ಯಾನಾನಿ ಶೋಭಂತೇ ವೃಕ್ಷೈಃ ಸಫಲಪುಷ್ಪಕೈಃ .
ತಸ್ಯೈ ಚೋದ್ಯಾನಯುಕ್ತಾಯೈ ಮಿಥಿಲಾಯೈ ಸುಮಂಗಲಂ ..

ಯತ್ರ ದಾರ್ಶನಿಕಾ ಜಾತಾ ಶ್ರೀಮದ್ಬೋಧಾಯನಾದಯಃ .
ತಸ್ಯೈ ವಿದ್ವದ್ವಿಶಿಷ್ಟಾಯೈ ಮಿಥಿಲಾಯೈ ಸುಮಂಗಲಂ ..

ಯಸ್ಯಾಂ ಪುರ್ಯಾಮುದೂಢಾ ಚ ರಾಮೇಣ ಜನಕಾತ್ಮಜಾ .
ತಸ್ಯೈ ಮಹೋತ್ಸವಾಢ್ಯಾಯೈ ಮಿಥಿಲಾಯೈ ಸುಮಂಗಲಂ ..

ಸೀತಾರಾಮಪದಸ್ಪರ್ಶಾತ್ ಪುಣ್ಯಶೀಲಾ ಚ ಯತ್ಕ್ಷಿತಿಃ .
ತಸ್ಯೈ ಚ ಪಾಪಾಪಹಾರಿಣ್ಯೈ ಮಿಥಿಲಾಯೈ ಸುಮಂಗಲಂ ..

ಜಾನಕೀಜನ್ಮಭೂಮಿರ್ಯಾ ಭಕ್ತಿದಾ ಮುಕ್ತಿದಾ ತಥಾ .
ತಸ್ಯೈ ಮಹಾಪ್ರಭಾವಾಯೈ ಮಿಥಿಲಾಯೈ ಸುಮಂಗಲಂ ..

Ramaswamy Sastry and Vighnesh Ghanapaathi