ಜಗದಾದಿಮನಾದಿಮಜಂ ಪುರುಷಂ ಶರದಂಬರತುಲ್ಯತನುಂ ವಿತನುಂ.
ಧೃತಕಂಜರಥಾಂಗಗದಂ ವಿಗದಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಕಮಲಾನನಕಂಜರತಂ ವಿರತಂ ಹೃದಿ ಯೋಗಿಜನೈಃ ಕಲಿತಂ ಲಲಿತಂ.
ಕುಜನೈಃ ಸುಜನೈರಲಭಂ ಸುಲಭಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಮುನಿವೃಂದಹೃದಿಸ್ಥಪದಂ ಸುಪದಂ ನಿಖಿಲಾಧ್ವರಭಾಗಭುಜಂ ಸುಭುಜಂ.
ಹೃತವಾಸವಮುಖ್ಯಮದಂ ವಿಮದಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಹೃತದಾನವದೃಪ್ತಬಲಂ ಸುಬಲಂ ಸ್ವಜನಾಸ್ತಸಮಸ್ತಮಲಂ ವಿಮಲಂ.
ಸಮಪಾಸ್ತ ಗಜೇಂದ್ರದರಂ ಸುದರಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಪರಿಕಲ್ಪಿತಸರ್ವಕಲಂ ವಿಕಲಂ ಸಕಲಾಗಮಗೀತಗುಣಂ ವಿಗುಣಂ.
ಭವಪಾಶನಿರಾಕರಣಂ ಶರಣಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಮೃತಿಜನ್ಮಜರಾಶಮನಂ ಕಮನಂ ಶರಣಾಗತಭೀತಿಹರಂ ದಹರಂ.
ಪರಿತುಷ್ಟರಮಾಹೃದಯಂ ಸುದಯಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಸಕಲಾವನಿಬಿಂಬಧರಂ ಸ್ವಧರಂ ಪರಿಪೂರಿತಸರ್ವದಿಶಂ ಸುದೃಶಂ.
ಗತಶೋಕಮಶೋಕಕರಂ ಸುಕರಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಮಥಿತಾರ್ಣವರಾಜರಸಂ ಸರಸಂ ಗ್ರಥಿತಾಖಿಲಲೋಕಹೃದಂ ಸುಹೃದಂ.
ಪ್ರಥಿತಾದ್ಭುತಶಕ್ತಿಗಣಂ ಸುಗಣಂ ಪ್ರಣಮಾಮಿ ರಮಾಧಿಪತಿಂ ತಮಹಂ.
ಸುಖರಾಶಿಕರಂ ಭವಬಂಧಹರಂ ಪರಮಾಷ್ಟಕಮೇತದನನ್ಯಮತಿಃ.
ಪಠತೀಹ ತು ಯೋಽನಿಶಮೇವ ನರೋ ಲಭತೇ ಖಲು ವಿಷ್ಣುಪದಂ ಸ ಪರಂ.

Ramaswamy Sastry and Vighnesh Ghanapaathi