ಯಾ ಪ್ರಜ್ಞಾ ಮೋಹರಾತ್ರಿಪ್ರಬಲರಿಪುಚಯಧ್ವಂಸಿನೀ ಮುಕ್ತಿದಾತ್ರೀ
ಸಾನಂದಾಶಾವಿಧಾತ್ರೀ ಮಧುಮಯರುಚಿರಾ ಪಾವನೀ ಪಾತು ಭವ್ಯಾ.
ಸೌಜನ್ಯಾಂಭೋಜಶೋಭಾ ವಿಲಸತು ವಿಮಲಾ ಸರ್ವದಾ ಸರ್ವಥಾಽತ್ರ
ಸಾಮ್ಯಸ್ನಿಗ್ಧಾ ವಿಶುದ್ಧಾ ಭವತು ಚ ವಸುಧಾ ಪುಣ್ಯವಾರ್ತಾವಿಮುಗ್ಧಾ.
ಯಾ ಪ್ರಜ್ಞಾ ವಿಶ್ವಕಾವ್ಯಾಮೃತರಸಲಹರೀಸಾರತತ್ತ್ವಾನುಸಂಧಾ
ಸದ್ಭಾವಾನಂದಕಂದಾ ಹ್ಯಭಯವಿಭವದಾ ಸಾಮ್ಯಧರ್ಮಾನುಬದ್ಧಾ.
ಶುದ್ಧಾಚಾರಪ್ರದಾತ್ರೀ ನಿರುಪಮರುಚಿರಾ ಸತ್ಯಪೂತಾಽನವದ್ಯಾ
ಕಲ್ಯಾಣಂ ಸಂತತಂ ಸಾ ವಿತರತು ವಿಮಲಾ ಶಾಂತಿದಾ ವೇದವಿದ್ಯಾ.
ಯಾ ಜ್ಞಾನಾಮೃತಮಿಷ್ಟದಂ ಪ್ರದದತೇ ಯಾ ಲೋಕರಕ್ಷಾಕರೀ .
ಯಾ ಚೋದಾರಸುಶೀಲಶಾಂತವಿಮಲಾ ಯಾ ಭಕ್ತಿಸಂಚಾರಿಣೀ.
ಯಾ ಗೋವೃಂದನಿಯಂತ್ರಣಾತಿಕುಶಲಾ ಸಾ ಶಾರದಾ ಪಾತು ನಃ.
ಗೀತಾವದ್ ಗರಕಂಠವದ್ ಗಗನವದ್ ಗೌರಾಂಗವದ್ ಗೋಪವತ್.

Ramaswamy Sastry and Vighnesh Ghanapaathi