ಶಬರಿಗಿರಿಪತೇ ಭೂತನಾಥ ತೇ ಜಯತು ಮಂಗಲಂ ಮಂಜುಲಂ ಮಹಃ.
ಮಮ ಹೃದಿಸ್ಥಿತಂ ಧ್ವಾಂತರಂ ತವ ನಾಶಯದ್ವಿದಂ ಸ್ಕಂದಸೋದರ.
ಕಾಂತಗಿರಿಪತೇ ಕಾಮಿತಾರ್ಥದಂ ಕಾಂತಿಮತ್ತವ ಕಾಂಕ್ಷಿತಂ ಮಯಾ.
ದರ್ಶಯಾಽದ್ಭುತಂ ಶಾಂತಿಮನ್ಮಹಃ ಪೂರಯಾರ್ಥಿತಂ ಶಬರಿವಿಗ್ರಹ.
ಪಂಪಯಾಂಚಿತೇ ಪರಮಮಂಗಲೇ ದುಷ್ಟದುರ್ಗಮೇ ಗಹನಕಾನನೇ.
ಗಿರಿಶಿರೋವರೇ ತಪಸಿ ಲಾಲಸಂ ಧ್ಯಾಯತಾಂ ಮನೋ ಹೃಷ್ಯತಿ ಸ್ವಯಂ.
ತ್ವದ್ದಿದೃಕ್ಷಯ ಸಂಚಿತವ್ರತಾಸ್ತುಲಸಿಮಾಲಿಕಃ ಕಮ್ರಕಂಧರಾ.
ಶರಣಭಾಷಿಣ ಶಂಘಸೋಜನ ಕೀರ್ತಯಂತಿ ತೇ ದಿವ್ಯವೈಭವಂ.
ದುಷ್ಟಶಿಕ್ಷಣೇ ಶಿಷ್ಟರಕ್ಷಣೇ ಭಕ್ತಕಂಕಣೇ ದಿಶತಿ ತೇ ಗಣೇ.
ಧರ್ಮಶಾಸ್ತ್ರೇ ತ್ವಯಿ ಚ ಜಾಗ್ರತಿ ಸಂಸ್ಮೃತೇ ಭಯಂ ನೈವ ಜಾಯತೇ.
ಪೂರ್ಣಪುಷ್ಕಲಾ ಸೇವಿತಾಽಪ್ಯಹೋ ಯೋಗಿಮಾನಸಾಂಭೋಜಭಾಸ್ಕರಃ.
ಹರಿಗಜಾದಿಭಿಃ ಪರಿವೃತೋ ಭವಾನ್ ನಿರ್ಭಯಃ ಸ್ವಯಂ ಭಕ್ತಭೀಹರಃ.
ವಾಚಿ ವರ್ತತಾಂ ದಿವ್ಯನಾಮ ತೇ ಮನಸಿ ಸಂತತಂ ತಾವಕಂ ಮಹಃ.
ಶ್ರವಣಯೋರ್ಭವದ್ ಗುಣಗಣಾವಲಿರ್ನಯನಯೋರ್ಭವನ್ಮೂರ್ತಿರದ್ಭುತಾ.
ಕರಯುಗಂ ಮಮ ತ್ವದ್ಪದಾರ್ಚನೇ ಪದಯುಗಂ ಸದಾ ತ್ವದ್ಪ್ರದಕ್ಷಿಣೇ.
ಜೀವಿತಂ ಭವನ್ಮೂರ್ತಿಪೂಜನೇ ಪ್ರಣತಮಸ್ತು ತೇ ಪೂರ್ಣಕರುಣಯಾ.

Ramaswamy Sastry and Vighnesh Ghanapaathi