ಯೇಷಾಮತಿಶರ್ಮದಾ ಸರ್ವಾನ್ ಪ್ರತಿ ಸರ್ವದಾ ಗರ್ವಾದ್ಯತಿದೂರಗಾ ಭಾಂತೀ ಹೃದಯೇ ದಯಾ .
ತೇಷಾಮಮಲಾತ್ಮನಾಂ ಯಾತಾ ವಸುಧಾಂಬತಾಂ ಪಿತೃತಾಂ ಗತಮಂಬರಂ ಜಗದೇವ ಕುಟುಂಬಕಂ ..
ಜಾತ್ಯಾದಿಷು ಡಂಬರಂ ಹಿತ್ವಾ ವಿಶ್ವಂಭರಂ ಪಶ್ಯನ್ ಸಮವೀಕ್ಷಣಃ ಸಂಚರ ಸುವಿಚಕ್ಷಣ .
ಚಿಂತಯ ಹೃದಿ ಶಂಕರಂ ಸಂತತಮಭಯಂಕರಂ ಗತಭೇದವಿಡಂಬಕಂ ವಸುಧೈವ ಕುಟುಂಬಕಂ ..
ಜಹತಾಮಸಮಾನತಾಂ ಜಗತಾಂ ವಹತಾಂ ಮುದಾಂ ಹೃದಯೇ ಸಕಲಾತ್ಮತಾಂ ಸ್ಮರತಾಂ ಚರತಾಂ ಸತಾಂ .
ಸತತಂ ಶುಭಕಾರಿಣಾಂ ಭಯಶೋಕನಿವಾರಿಣಾಂ ಸಕಲೇಷ್ವನುಕಂಪಯಾ ಜಗದೇತಿ ಕುಟುಂಬತಾಂ ..

Ramaswamy Sastry and Vighnesh Ghanapaathi