ಹರಿಕಲಭತುರಂಗತುಂಗವಾಹನಂ ಹರಿಮಣಿಮೋಹನಹಾರಚಾರುದೇಹಂ.
ಹರಿದಧೀಪನತಂ ಗಿರೀಂದ್ರಗೇಹಂ ಹರಿಹರಪುತ್ರಮುದಾರಮಾಶ್ರಯಾಮಿ.
ನಿರುಪಮ ಪರಮಾತ್ಮನಿತ್ಯಬೋಧಂ ಗುರುವರಮದ್ಭುತಮಾದಿಭೂತನಾಥಂ.
ಸುರುಚಿರತರದಿವ್ಯನೃತ್ತಗೀತಂ ಹರಿಹರಪುತ್ರಮುದಾರಮಾಶ್ರಯಾಮಿ.
ಅಗಣಿತಫಲದಾನಲೋಲಶೀಲಂ ನಗನಿಲಯಂ ನಿಗಮಾಗಮಾದಿಮೂಲಂ.
ಅಖಿಲಭುವನಪಾಲಕಂ ವಿಶಾಲಂ ಹರಿಹರಪುತ್ರಮುದಾರಮಾಶ್ರಯಾಮಿ.
ಘನರಸಕಲಭಾಭಿರಮ್ಯಗಾತ್ರಂ ಕನಕಕರೋಜ್ವಲ ಕಮನೀಯವೇತ್ರಂ.
ಅನಘಸನಕತಾಪಸೈಕಮಿತ್ರಂ ಹರಿಹರಪುತ್ರಮುದಾರಮಾಶ್ರಯಾಮಿ.
ಸುಕೃತಸುಮನಸಾಂ ಸತಾಂ ಶರಣ್ಯಂ ಸಕೃದುಪಸೇವಕಸಾಧುಲೋಕವರ್ಣ್ಯಂ.
ಸಕಲಭುವನಪಾಲಕಂ ವರೇಣ್ಯಂ ಹರಿಹರಪುತ್ರಮುದಾರಮಾಶ್ರಯಾಮಿ.
ವಿಜಯಕರ ವಿಭೂತಿವೇತ್ರಹಸ್ತಂ ವಿಜಯಕರಂ ವಿವಿಧಾಯುಧ ಪ್ರಶಸ್ತಂ.
ವಿಜಿತ ಮನಸಿಜಂ ಚರಾಚರಸ್ಥಂ ಹರಿಹರಪುತ್ರಮುದಾರಮಾಶ್ರಯೇಹಂ.
ಸಕಲವಿಷಯಮಹಾರುಜಾಪಹಾರಂ ಜಗದುದಯಸ್ಥಿತಿನಾಶಹೇತುಭೂತಂ.
ಅಗನಗಮೃಗಯಾಮಹಾವಿನೋದಂ ಹರಿಹರಪುತ್ರಮುದಾರಮಾಶ್ರಯೇಹಂ.
ತ್ರಿಭುವನಶರಣಂ ದಯಾಪಯೋಧಿಂ ಪ್ರಭುಮಮರಾಭರಣಂ ರಿಪುಪ್ರಮಾಥಿಂ.
ಅಭಯವರಕರೋಜ್ಜ್ವಲತ್ಸಮಾಧಿಂ ಹರಿಹರಪುತ್ರಮುದಾರಮಾಶ್ರಯೇಹಂ.
ಜಯಜಯ ಮಣಿಕಂಠ ವೇತ್ರದಂಡ ಜಯ ಕರುಣಾಕರ ಪೂರ್ಣಚಂದ್ರತುಂಡ.
ಜಯಜಯ ಜಗದೀಶ ಶಾಸಿತಾಂಡ ಜಯರಿಪುಖಂಡ ವಖಂಡ ಚಾರುಖಂಡ.

Ramaswamy Sastry and Vighnesh Ghanapaathi