ವಜ್ರಕಾಯ ಸುರಶ್ರೇಷ್ಠ ಚಕ್ರಾಭಯಕರ ಪ್ರಭೋ|
ವರೇಣ್ಯ ಶ್ರೀಪ್ರದ ಶ್ರೀಮನ್ ನರಸಿಂಹ ನಮೋಽಸ್ತು ತೇ|
ಕಲಾತ್ಮನ್ ಕಮಲಾಕಾಂತ ಕೋಟಿಸೂರ್ಯಸಮಚ್ಛವೇ|
ರಕ್ತಜಿಹ್ವ ವಿಶಾಲಾಕ್ಷ ತೀಕ್ಷ್ಣದಂಷ್ಟ್ರ ನಮೋಽಸ್ತು ತೇ|
ದೀಪ್ತರೂಪ ಮಹಾಜ್ವಾಲ ಪ್ರಹ್ಲಾದವರದಾಯಕ|
ಊರ್ಧ್ವಕೇಶ ದ್ವಿಜಪ್ರೇಷ್ಠ ಶತ್ರುಂಜಯ ನಮೋಽಸ್ತು ತೇ|
ವಿಕಟ ವ್ಯಾಪ್ತಭೂಲೋಕ ನಿಜಭಕ್ತಸುರಕ್ಷಕ|
ಮಂತ್ರಮೂರ್ತೇ ಸದಾಚಾರಿವಿಪ್ರಪೂಜ್ಯ ನಮೋಽಸ್ತು ತೇ|
ಅಧೋಕ್ಷಜ ಸುರಾರಾಧ್ಯ ಸತ್ಯಧ್ವಜ ಸುರೇಶ್ವರ|
ದೇವದೇವ ಮಹಾವಿಷ್ಣೋ ಜರಾಂತಕ ನಮೋಽಸ್ತು ತೇ|
ಭಕ್ತಿಸಂತುಷ್ಟ ಶೂರಾತ್ಮನ್ ಭೂತಪಾಲ ಭಯಂಕರ|
ನಿರಹಂಕಾರ ನಿರ್ಮಾಯ ತೇಜೋಮಯ ನಮೋಽಸ್ತು ತೇ|
ಸರ್ವಮಂಗಲ ಸರ್ವೇಶ ಸರ್ವಾರಿಷ್ಟವಿನಾಶನ|
ವೈಕುಂಠವಾಸ ಗಂಭೀರ ಯೋಗೀಶ್ವರ ನಮೋಽಸ್ತು ತೇ|

Ramaswamy Sastry and Vighnesh Ghanapaathi