ಯೋ ಲೋಕರಕ್ಷಾರ್ಥಮಿಹಾವತೀರ್ಯ ವೈಕುಂಠಲೋಕಾತ್ ಸುರವರ್ಯವರ್ಯಃ.
ಶೇಷಾಚಲೇ ತಿಷ್ಠತಿ ಯೋಽನವದ್ಯೇ ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ಪದ್ಮಾವತೀಮಾನಸರಾಜಹಂಸಃ ಕೃಪಾಕಟಾಕ್ಷಾನುಗೃಹೀತಹಂಸಃ.
ಹಂಸಾತ್ಮನಾದಿಷ್ಟ- ನಿಜಸ್ವಭಾವಸ್ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ಮಹಾವಿಭೂತಿಃ ಸ್ವಯಮೇವ ಯಸ್ಯ ಪದಾರವಿಂದಂ ಭಜತೇ ಚಿರಸ್ಯ.
ತಥಾಪಿ ಯೋಽರ್ಥಂ ಭುವಿ ಸಂಚಿನೋತಿ ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ಯ ಆಶ್ವಿನೇ ಮಾಸಿ ಮಹೋತ್ಸವಾರ್ಥಂ ಶೇಷಾದ್ರಿಮಾರುಹ್ಯ ಮುದಾತಿತುಂಗಂ.
ಯತ್ಪಾದಮೀಕ್ಷಂತಿ ತರಂತಿ ತೇ ವೈ ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ಪ್ರಸೀದ ಲಕ್ಷ್ಮೀರಮಣ ಪ್ರಸೀದ ಪ್ರಸೀದ ಶೇಷಾದ್ರಿಶಯ ಪ್ರಸೀದ.
ದಾರಿದ್ರ್ಯದುಃಖಾದಿಭಯಂ ಹರಸ್ವ ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ಯದಿ ಪ್ರಮಾದೇನ ಕೃತೋಽಪರಾಧಃ ಶ್ರೀವೇಂಕಟೇಶಾಶ್ರಿತಲೋಕಬಾಧಃ.
ಸ ಮಾಮವ ತ್ವಂ ಪ್ರಣಮಾಮಿ ಭೂಯಸ್ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ನ ಮತ್ಸಮೋ ಯದ್ಯಪಿ ಪಾತಕೀಹ ನ ತ್ವತ್ಸಮಃ ಕಾರುಣಿಕೋಽಪಿ ಚೇಹ.
ವಿಜ್ಞಾಪಿತಂ ಮೇ ಶೃಣು ಶೇಷಶಾಯಿನ್ ತಂ ವೇಂಕಟೇಶಂ ಶರಣಂ ಪ್ರಪದ್ಯೇ.
ವೇಂಕಟೇಶಾಷ್ಟಕಮಿದಂ ತ್ರಿಕಾಲಂ ಯಃ ಪಠೇನ್ನರಃ.
ಸ ಸರ್ವಪಾಪನಿರ್ಮುಕ್ತೋ ವೇಂಕಟೇಶಪ್ರಿಯೋ ಭವೇತ್.

Ramaswamy Sastry and Vighnesh Ghanapaathi