ರವಿಸೋಮನೇತ್ರಮಘನಾಶನಂ ವಿಭುಂ
ಮುನಿಬುದ್ಧಿಗಮ್ಯ- ಮಹನೀಯದೇಹಿನಂ.
ಕಮಲಾಧಿಶಾಯಿ- ರಮಣೀಯವಕ್ಷಸಂ
ಸತತಂ ನತೋಽಸ್ಮಿ ಹರಿಮೇಕಮವ್ಯಯಂ.
ಧೃತಶಂಖಚಕ್ರನಲಿನಂ ಗದಾಧರಂ
ಧವಲಾಶುಕೀರ್ತಿಮತಿದಂ ಮಹೌಜಸಂ.
ಸುರಜೀವನಾಥ- ಮಖಿಲಾಭಯಪ್ರದಂ
ಸತತಂ ನತೋಽಸ್ಮಿ ಹರಿಮೇಕಮವ್ಯಯಂ.
ಗುಣಗಮ್ಯಮುಗ್ರಮಪರಂ ಸ್ವಯಂಭುವಂ
ಸಮಕಾಮಲೋಭ- ಮದದುರ್ಗುಣಾಂತಕಂ.
ಕಲಿಕಾಲರಕ್ಷಣ- ನಿಮಿತ್ತಿಕಾರಣಂ
ಸತತಂ ನತೋಽಸ್ಮಿ ಹರಿಮೇಕಮವ್ಯಯಂ.
ಝಷಕೂರ್ಮಸಿಂಹ- ಕಿರಿಕಾಯಧಾರಿಣಂ
ಕಮಲಾಸುರಮ್ಯ- ನಯನೋತ್ಸವಂ ಪ್ರಭುಂ.
ಅತಿನೀಲಕೇಶ- ಗಗನಾಪ್ತವಿಗ್ರಹಂ
ಸತತಂ ನತೋಽಸ್ಮಿ ಹರಿಮೇಕಮವ್ಯಯಂ.
ಭವಸಿಂಧುಮೋಕ್ಷದಮಜಂ ತ್ರಿವಿಕ್ರಮಂ
ಶ್ರಿತಮಾನುಷಾರ್ತಿಹರಣಂ ರಘೂತ್ತಮಂ.
ಸುರಮುಖ್ಯಚಿತ್ತನಿಲಯಂ ಸನಾತನಂ
ಸತತಂ ನತೋಽಸ್ಮಿ ಹರಿಮೇಕಮವ್ಯಯಂ.

Ramaswamy Sastry and Vighnesh Ghanapaathi