ಸೌಂದರ್ಯಮಾಧುರ್ಯಸುಧಾ- ಸಮುದ್ರವಿನಿದ್ರಪದ್ಮಾಸನ- ಸನ್ನಿವಿಷ್ಟಾಂ.
ಚಂಚದ್ವಿಪಂಚೀಕಲನಾದಮುಗ್ಧಾಂ ಶುದ್ಧಾಂ ದಧೇಽನ್ತರ್ವಿಸರತ್ಸುಗಂಧಾಂ.
ಶ್ರುತಿಃಸ್ಮೃತಿಸ್ತತ್ಪದ- ಪದ್ಮಗಂಧಿಪ್ರಭಾಮಯಂ ವಾಙ್ಮಯಮಸ್ತಪಾರಂ.
ಯತ್ಕೋಣಕೋಣಾಭಿನಿವಿಷ್ಟಮಿಷ್ಟಂ ತಾಮಂಬಿಕಾಂ ಸರ್ವಸಿತಾಂ ಶ್ರಿತಾಃ ಸ್ಮಃ.
ನ ಕಾಂದಿಶೀಕಂ ರವಿತೋಽತಿವೇಲಂ ತಂ ಕೌಶಿಕಂ ಸಂಸ್ಪೃಹಯೇ ನಿಶಾತಂ.
ಸಾವಿತ್ರಸಾರಸ್ವತಧಾಮಪಶ್ಯಂ ಶಸ್ಯಂ ತಪೋಬ್ರಾಹ್ಮಣಮಾದ್ರಿಯೇ ತಂ.
ಶ್ರೀಶಾರದಾಂ ಪ್ರಾರ್ಥಿತಸಿದ್ಧವಿದ್ಯಾಂ ಶ್ರೀಶಾರದಾಂಭೋಜಸಗೋತ್ರನೇತ್ರಾಂ.
ಶ್ರೀಶಾರದಾಂಭೋಜನಿವೀಜ್ಯಮಾನಾಂ ಶ್ರೀಶಾರದಾಂಕಾನುಜನಿಂ ಭಜಾಮಿ.
ಚಕ್ರಾಂಗರಾಜಾಂಚಿತಪಾದಪದ್ಮಾ ಪದ್ಮಾಲಯಾಽಭ್ಯರ್ಥಿತಸುಸ್ಮಿತಶ್ರೀಃ.
ಸ್ಮಿತಶ್ರಿಯಾ ವರ್ಷಿತಸರ್ವಕಾಮಾ ವಾಮಾ ವಿಧೇಃ ಪೂರಯತಾಂ ಪ್ರಿಯಂ ನಃ.
ಬಾಹೋ ರಮಾಯಾಃ ಕಿಲ ಕೌಶಿಕೋಽಸೌ ಹಂಸೋ ಭವತ್ಯಾಃ ಪ್ರಥಿತೋ ವಿವಿಕ್ತಃ.
ಜಗದ್ವಿಧಾತುರ್ಮಹಿಷಿ ತ್ವಮಸ್ಮಾನ್ ವಿಧೇಹಿ ಸಭ್ಯಾನ್ನಹಿ ಮಾತರಿಭ್ಯಾನ್.
ಸ್ವಚ್ಛವ್ರತಃ ಸ್ವಚ್ಛಚರಿತ್ರಚುಂಚುಃ
ಸ್ವಚ್ಛಾಂತರಃ ಸ್ವಚ್ಛಸಮಸ್ತವೃತ್ತಿಃ.
ಸ್ವಚ್ಛಂ ಭವತ್ಯಾಃ ಪ್ರಪದಂ ಪ್ರಪನ್ನಃ
ಸ್ವಚ್ಛೇ ತ್ವಯಿ ಬ್ರಹ್ಮಣಿ ಜಾತು ಯಾತು.
ರವೀಂದುವಹ್ನಿದ್ಯುತಿಕೋಟಿದೀಪ್ರಂ ಸಿಂಹಾಸನಂ ಸಂತತವಾದ್ಯಗಾನಂ.
ವಿದೀಪಯನ್ಮಾತೃಕಧಾಮ ಯಾಮಃ ಕಾರುಣ್ಯಪೂರ್ಣಾಮೃತವಾರಿವಾಹಂ.
ಶುಭ್ರಾಂ ಶುಭ್ರಸರೋಜಮುಗ್ಧವದನಾಂ ಶುಭ್ರಾಂಬರಾಲಂಕೃತಾಂ
ಶುಭ್ರಾಂಗೀಂ ಶುಭಶುಭ್ರಹಾಸ್ಯವಿಶದಾಂ ಶುಭ್ರಸ್ರಗಾಶೋಭಿನೀಂ.
ಶುಭ್ರೋದ್ದಾಮಲ- ಲಾಮಧಾಮಮಹಿಮಾಂ ಶುಭ್ರಾಂತರಂಗಾಗತಾಂ
ಶುಭ್ರಾಭಾಂ ಭಯಹಾರಿಭಾವಭರಿತಾಂ ಶ್ರೀಭಾರತೀಂ ಭಾವಯೇ.
ಮುಕ್ತಾಲಂಕೃತ- ಕುಂತಲಾಂತಸರಣಿಂ ರತ್ನಾಲಿಹಾರಾವಲಿಂ
ಕಾಂಜೀಕಾಂತ- ವಲಗ್ನಲಗ್ನವಲಯಾಂ ವಜ್ರಾಂಗುಲೀಯಾಂಗುಲಿಂ.
ಲೀಲಾಚಂಚಲಲೋಚನಾಂಚಲ- ಚಲಲ್ಲೋಕೇಶಲೋಲಾಲಕಾಂ
ಕಲ್ಯಾಮಾಕಲಯೇಽತಿ- ವೇಲಮತುಲಾಂ ವಿತ್ಕಲ್ಪವಲ್ಲೀಕಲಾಂ.
ಪ್ರಯತೋ ಧಾರಯೇದ್ ಯಸ್ತು ಸಾರಸ್ವತಮಿಮಂ ಸ್ತವಂ.
ಸಾರಸ್ವತಂ ತಸ್ಯ ಮಹಃ ಪ್ರತ್ಯಕ್ಷಮಚಿರಾದ್ ಭವೇತ್.
ವಾಗ್ಬೀಜಸಂಪುಟಂ ಸ್ತೋತ್ರಂ ಜಗನ್ಮಾತುಃ ಪ್ರಸಾದಜಂ.
ಪ್ರತ್ಯಹಂ ಯೋ ಜಪನ್ ಮರ್ತ್ಯಃ ಪ್ರಾಪ್ನುಯಾದ್ ಬುದ್ಧಿವೈಭವಂ.
ಸೂರ್ಯಗ್ರಹೇ ಪ್ರಜಪಿತಃ ಸ್ತವಃ ಸಿದ್ಧಿಕರಃ ಪರಃ.
ವಾರಾಣಸ್ಯಾಂ ಪುಣ್ಯತೀರ್ಥೇ ಸದ್ಯೋ ವಾಂಛಿತದಾಯಕಃ.

Ramaswamy Sastry and Vighnesh Ghanapaathi