ಹರಿವರಾಸನಂ ವಿಶ್ವಮೋಹನಂ
ಹರಿದಧೀಶ್ವರ- ಮಾರಾಧ್ಯಪಾದುಕಂ.
ಅರಿವಿಮರ್ದನಂ ನಿತ್ಯನರ್ತನಂ
ಹರಿಹರಾತ್ಮಜಂ ದೇವಮಾಶ್ರಯೇ.
ಶರಣಕೀರ್ತನಂ ಭಕ್ತಮಾನಸಂ
ಭರಣಲೋಲುಪಂ ನರ್ತನಾಲಸಂ.
ಅರುಣಭಾಸುರಂ ಭೂತನಾಯಕಂ
ಹರಿಹರಾತ್ಮಜಂ ದೇವಮಾಶ್ರಯೇ.
ಪ್ರಣಯಸತ್ಯಕಂ ಪ್ರಾಣನಾಯಕಂ
ಪ್ರಣತಕಲ್ಪಕಂ ಸುಪ್ರಭಾಂಚಿತಂ.
ಪ್ರಣವಮಂದಿರಂ ಕೀರ್ತನಪ್ರಿಯಂ
ಹರಿಹರಾತ್ಮಜಂ ದೇವಮಾಶ್ರಯೇ.
ತುರಗವಾಹನಂ ಸುಂದರಾನನಂ
ವರಗದಾಯುಧಂ ವೇದವರ್ಣಿತಂ.
ಗುರುಕೃಪಾಕರಂ ಕೀರ್ತನಪ್ರಿಯಂ
ಹರಿಹರಾತ್ಮಜಂ ದೇವಮಾಶ್ರಯೇ.
ತ್ರಿಭುವನಾರ್ಚಿತಂ ದೇವತಾತ್ಮಕಂ
ತ್ರಿನಯನಪ್ರಭುಂ ದಿವ್ಯದೇಶಿಕಂ.
ತ್ರಿದಶಪೂಜಿತಂ ಚಿಂತಿತಪ್ರದಂ
ಹರಿಹರಾತ್ಮಜಂ ದೇವಮಾಶ್ರಯೇ.
ಭವಭಯಾಪಹಂ ಭಾವುಕಾವಹಂ
ಭುವನಮೋಹನಂ ಭೂತಿಭೂಷಣಂ.
ಧವಲವಾಹನಂ ದಿವ್ಯವಾರಣಂ
ಹರಿಹರಾತ್ಮಜಂ ದೇವಮಾಶ್ರಯೇ.
ಕಲಮೃದುಸ್ಮಿತಂ ಸುಂದರಾನನಂ
ಕಲಭಕೋಮಲಂ ಗಾತ್ರಮೋಹನಂ.
ಕಲಭಕೇಸರೀ- ವಾಜಿವಾಹನಂ
ಹರಿಹರಾತ್ಮಜಂ ದೇವಮಾಶ್ರಯೇ.
ಶ್ರಿತಜನಪ್ರಿಯಂ ಚಿಂತಿತಪ್ರದಂ
ಶ್ರುತಿವಿಭೂಷಣಂ ಸಾಧುಜೀವನಂ.
ಶ್ರುತಿಮನೋಹರಂ ಗೀತಲಾಲಸಂ
ಹರಿಹರಾತ್ಮಜಂ ದೇವಮಾಶ್ರಯೇ.

Ramaswamy Sastry and Vighnesh Ghanapaathi