క్షమస్వ భగవత్యంబ క్షమాశీలే పరాత్పరే .
శుద్ధసత్త్వస్వరూపే చ కోపాదిపరివర్జితే ..

ఉపమే సర్వసాధ్వీనాం దేవీనాం దేవపూజితే .
త్వయా వినా జగత్సర్వం మృతతుల్యం చ నిష్ఫలం ..

సర్వసంపత్స్వరూపా త్వం సర్వేషాం సర్వరూపిణీ .
రాసేశ్వర్యధిదేవీ త్వం త్వత్కలాః సర్వయోషితః ..

కైలాసే పార్వతీ త్వం చ క్షీరోదే సింధుకన్యకా .
స్వర్గే చ స్వర్గలక్ష్మీస్త్వం మర్త్యలక్ష్మీశ్చ భూతలే ..

వైకుంఠే చ మహాలక్ష్మీర్దేవదేవీ సరస్వతీ .
గంగా చ తులసీ త్వం చ సావిత్రీ బ్రహ్మాలోకతః ..

కృష్ణప్రాణాధిదేవీ త్వం గోలోకే రాధికా స్వయం .
రాసే రాసేశ్వరీ త్వం చ వృందావనవనే వనే ..

కృష్ణా ప్రియా త్వం భాండీరే చంద్రా చందనకాననే .
విరజా చంపకవనే శతశృంగే చ సుందరీ ..

పద్మావతీ పద్మవనే మాలతీ మాలతీవనే .
కుందదంతీ కుందవనే సుశీలా కేతకీవనే ..

కదంబమాలా త్వం దేవీ కదంబకాననేఽపి చ .
రాజలక్ష్మీ రాజగేహే గృహలక్ష్మీగృహే గృహే ..

ఇత్యుక్త్వా దేవతాః సర్వా మునయో మనవస్తథా .
రూరూదుర్నమ్రవదనాః శుష్కకంఠోష్ఠ తాలుకాః ..

ఇతి లక్ష్మీస్తవం పుణ్యం సర్వదేవైః కృతం శుభం .
యః పఠేత్ప్రాతరూత్థాయ స వై సర్వై లభేద్ ధ్రువం ..

అభార్యో లభతే భార్యాం వినీతాం సుసుతాం సతీం .
సుశీలాం సుందరీం రమ్యామతిసుప్రియవాదినీం ..

పుత్రపౌత్రవతీం శుద్ధాం కులజాం కోమలాం వరాం .
అపుత్రో లభతే పుత్రం వైష్ణవం చిరజీవినం ..

పరమైశ్వర్యయుక్తం చ విద్యావంతం యశస్వినం .
భ్రష్టరాజ్యో లభేద్రాజ్యం భ్రష్టశ్రీర్లభతే శ్రియం ..

హతబంధుర్లభేద్బంధుం ధనభ్రష్టో ధనం లభేత్ .
కీర్తిహీనో లభేత్కీర్తిం ప్రతిష్ఠాం చ లభేద్ ధ్రువం ..

సర్వమంగలదం స్తోత్రం శోకసంతాపనాశనం .
హర్షానందకరం శశ్వద్ధర్మమోక్షసుహృత్ప్రదం ..

Ramaswamy Sastry and Vighnesh Ghanapaathi