ఆదిశక్తిర్మహామాయా సచ్చిదానందరూపిణీ .
పాలనార్థం స్వభక్తానాం శాంతాదుర్గాభిధామతా ..

నమో దుర్గే మహాదుర్గే నవదుర్గాస్వరూపిణి .
కైవల్యవాసిని శ్రీమచ్ఛాంతాదుర్గే నమోఽస్తు తే ..

శాంత్యై నమోఽస్తు శరణాగతరక్షణాయై
కాంత్యై నమోఽస్తు కమనీయగుణాశ్రయాయై .
క్షాత్యై నమోఽస్తు దురితక్షయకారణాయై
ధాంత్యై నమోఽస్తు ధనధాన్యసమృద్ధిదాయై ..

శాంతాదుర్గే నమస్తుభ్యం సర్వకామార్థసాధికే .
మమ సిద్ధిమసిద్ధిం వా స్వప్నే సర్వం ప్రదర్శయ ..

శాంతిదుర్గే జగన్మాతః శరణాగతవత్సలే .
కైవల్యవాసినీ దేవి శాంతే దుర్గే నమోఽస్తు తే ..

Ramaswamy Sastry and Vighnesh Ghanapaathi