నమో విశ్వస్వరూపాయ విశ్వస్థిత్యంతహేతవే.
విశ్వేశ్వరాయ విశ్వాయ గోవిందాయ నమో నమః..

నమో విజ్ఞానరూపాయ పరమానందరూపిణే.
కృష్ణాయ గోపీనాథాయ గోవిందాయ నమో నమః..

నమః కమలనేత్రాయ నమః కమలమాలినే.
నమః కమలనాభాయ కమలాపతయే నమః..

బర్హాపీడాభిరామాయ రామాయాకుంఠమేధసే.
రమామానసహంసాయ గోవిందాయ నమో నమః..

కంసవశవినాశాయ కేశిచాణూరఘాతినే.
కాలిందీకూలలీలాయ లోలకుండలధారిణే..

వృషభధ్వజ-వంద్యాయ పార్థసారథయే నమః.
వేణువాదనశీలాయ గోపాలాయాహిమర్దినే..

బల్లవీవదనాంభోజమాలినే నృత్యశాలినే.
నమః ప్రణతపాలాయ శ్రీకృష్ణాయ నమో నమః..

నమః పాపప్రణాశాయ గోవర్ధనధరాయ చ.
పూతనాజీవితాంతాయ తృణావర్తాసుహారిణే..

నిష్కలాయ విమోహాయ శుద్ధాయాశుద్ధవైరిణే.
అద్వితీయాయ మహతే శ్రీకృష్ణాయ నమో నమః..

ప్రసీద పరమానంద ప్రసీద పరమేశ్వర.
ఆధి-వ్యాధి-భుజంగేన దష్ట మాముద్ధర ప్రభో..

శ్రీకృష్ణ రుక్మిణీకాంత గోపీజనమనోహర.
సంసారసాగరే మగ్నం మాముద్ధర జగద్గురో..

కేశవ క్లేశహరణ నారాయణ జనార్దన.
గోవింద పరమానంద మాం సముద్ధర మాధవ..

Ramaswamy Sastry and Vighnesh Ghanapaathi