కలయ కలావిత్ప్రవరం కలయా నీహారదీధితేః శీర్షం .
సతతమలంకుర్వాణ ప్రణతావనదీక్ష యక్షరాజసఖ ..

కాంతాగేంద్రసుతాయాః శాంతాహంకారచింత్యచిద్రూప .
కాంతారఖేలనరుచే శాంతాంతఃకరణం దీనమవ శంభో ..

దాక్షాయణీమనోంబ్రుజభానో వీక్షావితీర్ణవినతేష్ట .
ద్రాక్షామధురిమమదభరశిక్షాకత్రీం ప్రదేహి భమ వాచం ..

పారదసమానవర్ణౌ నీరదనీకాశదివ్యగలదేశః .
పాదనతదేవసంఘః పశుమనిశం పాతు మామీశః ..

భవ శంభో గురురూపేణాశు మేఽద్య కరుణాబ్ధే .
చిరతరమిహ వాసం కురు జగతీం రక్షన్ ప్రబోధనానేన ..

యక్షాధిపసఖమనిశం రక్షాచతురం సమస్తలోకానాం .
వీక్షాదాపితకవితం దాక్షాయణ్యాః పతిం నౌమి ..

యమనియమనిరతలభ్యం శమదమముఖషంకదానకృతదీక్షం .
రమణీయపదసరోజం శమనాహితమాశ్రయే సతతం ..

యమిహృన్మానసహంసం శమితాఘౌఘం ప్రణామమాత్రేణ .
అమితాయుఃప్రదపూజం కమితారం నౌమి శైలతనయాయాః ..

యేన కృతమిందుమౌలే మానవవర్యేణ తావకస్మరణం .
తేన జితం జగదఖిలం కో న బ్రూతే సురార్యతుల్యేన ..

Ramaswamy Sastry and Vighnesh Ghanapaathi