నమస్తే జామదగ్న్యాయ క్రోధదగ్ధమహాసుర . 
క్షత్రాంతకాయ చండాయ రామాయాపారతేజసే ..

వినాశకాయ దుష్టానాం రక్షకాయ సదర్థినాం . 
భృగుకుల్యాయ వీరాయ విష్ణురూపాయ తే నమః ..

మహాభయంకరాయైవ మహాదేవాయ ధీమతే . 
బ్రహ్మవంశోద్భవాయైవ పర్శురామ నమోఽస్తు తే ..

పర్శుహస్తాయ వీరాయ రేణుకానందవర్ధినే . 
సర్వదుష్టశమాయైవ తుభ్యం రామ నమోఽస్తు తే ..

యజ్ఞవిఘ్నహరాయైవ కృపాణధృతవక్షసే . 
కుకర్మనాశకాయాస్తు నమస్తుభ్యం హరే ముహుః ..

రక్షస్వ మాం మహాబాహో మహాబల నమోఽస్తు తే . 
దుర్జనైః పరివిష్టం హి శత్రుసంఘాతవారణ ..

ధనుర్వేదప్రధానాయ వేదసారాయ ధీమతే . 
తపోధనప్రియాయైవ జగన్నాథాయ తే నమః ..

జపేత్ స్తోత్రం సదా జప్యం యః సుధీః ప్రత్యహం ముదా .
నిత్యం రక్షామవాప్నోతి శత్రుభ్యో నహి సంశయః ..

Ramaswamy Sastry and Vighnesh Ghanapaathi