కేయూరభూషం మహనీయరూపం
రత్నాంకితం సర్పసుశోభితాంగం .
సర్వేషు భక్తేషు దయైకదృష్టిం
కేదారనాథం భజ లింగరాజం ..
త్రిశూలినం త్ర్యంబకమాదిదేవం
దైతేయదర్పఘ్నముమేశితారం .
నందిప్రియం నాదపితృస్వరూపం
కేదారనాథం భజ లింగరాజం ..
కపాలినం కీర్తివివర్ధకం చ
కందర్పదర్పఘ్నమపారకాయం.
జటాధరం సర్వగిరీశదేవం
కేదారనాథం భజ లింగరాజం ..
సురార్చితం సజ్జనమానసాబ్జ-
దివాకరం సిద్ధసమర్చితాంఘ్రిం
రుద్రాక్షమాలం రవికోటికాంతిం
కేదారనాథం భజ లింగరాజం ..
హిమాలయాఖ్యే రమణీయసానౌ
రుద్రప్రయాగే స్వనికేతనే చ .
గంగోద్భవస్థానసమీపదేశే
కేదారనాథం భజ లింగరాజం ..

Ramaswamy Sastry and Vighnesh Ghanapaathi