శారదాం చంద్రవదనాం వీణాపుస్తకధారిణీం . 
సంగీతవిద్యాధిష్ఠాత్రీం నమస్యామి సరస్వతీం ..

శ్వేతాంబరధరే దేవి శ్వేతపద్మాసనే శుభే. 
శ్వేతగంధార్చితాంఘ్రిం త్వాం నమస్యామి సరస్వతీం ..

యా దేవీ సర్వవాద్యేషు దక్షా సంగీతవర్తినీ . 
యా సదా జ్ఞానదా దేవీ నమస్యామి సరస్వతి ..

శారదే సర్వవాద్యేషు దక్షం మాం కురు పాహి మాం . 
సిద్ధిం దేహి సదా దేవి జిహ్వాయాం తిష్ఠ మే స్వయం ..

జ్ఞానం దేహి స్వరస్యాపి లయతాలగుణం మమ . 
భక్తిం చ యచ్ఛ మే నిత్యం సరస్వతి నమోఽస్తు తే ..

విద్యాం బుద్ధిం చ మే దేవి ప్రయచ్ఛాఽద్య సరస్వతి . 
యశో మే శాశ్వతం దేహి వరదా భవ మే సదా ..

ప్రణమామి జగద్ధాత్రీం వాగీశానీం సరస్వతీం . 
సంగీతే దేహి సిద్ధిం మే గీతే వాద్యే మహామతి ..

సరస్వత్యా ఇదం స్తోత్రం యః పఠేద్భక్తిమాన్ నరః .
సంగీతస్వరతాలేషు సమవాప్నోత్యభిజ్ఞతాం ..

Ramaswamy Sastry and Vighnesh Ghanapaathi