నమోఽస్తు నటరాజాయ సర్వసిద్ధిప్రదాయినే . 
సదాశివాయ శాంతాయ నృత్యశాస్త్రైకసాక్షిణే ..

భో నటేశ సురశ్రేష్ఠ మాం పశ్య కృపయా హర . 
కౌశలం మే ప్రదేహ్యాఽఽశు నృత్యే నిత్యం జటాధర ..

సర్వాంగసుందరం దేహి భావనాం శుద్ధిముత్తమాం . 
నృత్యేఽహం విజయీ జాయే త్వదనుగ్రహలాభతః ..

శివాయ తే నమో నిత్యం నటరాజ విభో ప్రభో . 
ద్రుతం సిద్ధిం ప్రదేహి త్వం నృత్యే నాట్యే మహేశ్వర ..

నమస్కరోమి శ్రీకంఠ తవ పాదారవిందయోః . 
నృత్యసిద్ధిం కురు స్వామిన్ నటరాజ నమోఽస్తు తే ..

సుస్తోత్రం నటరాజస్య ప్రత్యహం యః పఠేత్ సుధీః . 
నృత్యే విజయమాప్నోతి లోకప్రీతిం చ విందతి ..

Ramaswamy Sastry and Vighnesh Ghanapaathi