వైష్ణవానాం హరిస్త్వం శివస్త్వం స్వయం
శక్తిరూపస్త్వమేవానయస్త్వం నతేః .
త్వం గణాధికృతస్త్వం సురేశాధిప-
స్త్వం మరుత్వాన్రవిస్త్వం సదా స్తోచతాం ..

త్వం సదా లోకకల్యాణకృన్మండలః
తప్యమానో జగద్భూతిసిద్ధ్యై నభే .
రాతి రాత్ర్యై నివిష్టాభమగ్నిం తథా
ద్వాదశాత్మన్ సదాఽఽనందమగ్నో భవ ..

జాన్మమాత్రేణ చాసక్తిగ్రస్తో వయం
శాంబరీబంధనే విస్మృతాశ్చార్థినః .
భక్తిభావేన హీనాయ జోషాలయోఽ-
ర్కాదితేయోష్ణరశ్మే ప్రసన్నో మయి ..

అకృతార్థాయ బ్రహ్మాండసాద్ధస్తథా
తాయకో విష్ణురూపేణ కల్పాంతరే .
యో మహాఽన్తే శివశ్చండనీలో నటో
దక్షజాఽఙ్గప్రభస్త్వం సదా రోచతాం ..

బ్రాహ్మణో బాహుజోఽన్యాశ్చ వర్ణాశ్రమా
బ్రహ్మచర్యాద్యతిత్వో హృషీకే ధ్రువః .
ధర్మకామాదిరూపేణ చావస్థితః
ప్రాణతత్వో మహేంద్రః ప్రసన్నోఽవతు ..

అస్మదాచార్యప్రోక్తం ప్రమాణం పరం
యాచకాః పాదపద్మానుకంప్యాస్తవ .
స్వస్య జన్మాంతరాచ్చక్రముక్తాస్తదాఽ-
నర్హజీవస్తు ఋచ్ఛామి ధామం కథం ..

శౌచమాచారమస్మత్ ప్రముక్తాః కృతాః
స్వాత్మధర్మాద్విముక్తాస్తు పాపే రతాః .
కేవలం కుక్షిపూర్తేర్వయం యాజకా
హేఽధమోద్ధారణస్తృప్యతాత్తాపనః ..

పూజితో దస్రతాతాన్వవాయైస్తథా
ఋగ్యజుర్వేదసామం చతుర్థోం యథా .
ఆగమాః పంచకాలైర్క్రమే వేదక-
స్త్వం విహంగః సదాఽఽనందితోఽస్మాసు హి ..

సప్తలోకార్ణవాశ్చాంతరీపాః స్వరా
యోగినో రశ్మయః సప్తధాఽఽరోపితః .
ఔషధేశ్ఛందభావేఽన్నగోమారుతైః
పాలకాదిత్యసంజ్ఞాపతే రోచతాం ..

Ramaswamy Sastry and Vighnesh Ghanapaathi