దైవతదైవత మంగలమంగల పావనపావన కారణకారణ .
వేంకటభూధరమౌలివిభూషణ మాధవ భూధవ దేవ జయీభవ ..

వారిదసన్నిభ దయాకర శారదనీరజచారువిలోచన .
దేవశిరోమణిఅపాదసరోరుహ వేంకటశైలపతే విజయీభవ ..

అంజనశైలనివాస నిరంజన రంజితసర్వజనాంజనమేచక .
మామభిషించ కృపామృతశీతలశీకరవర్షిదృశా జగదీశ్వర ..

వీతసమాధిక సారగుణాకర కేవలసత్త్వతనో పురుషోత్తమ .
భీమభవార్ణవతారణకోవిద వేంకటశైలపతే విజయీభవ ..

స్వామిసరోవరతీరరమాకృతకేలిమహారసలాలసమానస .
సారతపోధనచిత్తనికేతన వేంకటశైలపతే విజయీభవ ..

ఆయుధభూషణకోటినివేశితశంఖరథాంగజితామతసమ్మత .
స్వేతరదుర్ఘటసంఘటనక్షమ వేంకటశైలపతే విజయీభవ ..

పంకజనాకృతిసౌరభవాసితశైలవనోపవనాంతర .
మంద్రమహాస్వనమంగలనిర్జ్ఝర వేంకటశైలపతే విజయీభవ ..

నందకుమారక గోకులపాలక గోపవధూవర కృష్ణ .
శ్రీవసుదేవ జన్మభయాపహ వేంకటశైలపతే విజయీభవ ..

శైశవపాతితపాతకిపూతన ధేనుకకేశిముఖాసురసూదన .
కాలియమర్దన కంసనిరాసక మోహతమోపహ కృష్ణ జయీభవ ..

పాలితసంగర భాగవతప్రియ సారథితాహితతోషపృథాసుత .
పాండవదూత పరాకృతభూభర పాహి పరావరనాథ పరాయణ ..

శాతమఖాసువిభంజనపాటవ సత్రిశిరఃఖరదూషణదూషణ .
శ్రీరఘునాయక రామ రమాసఖ విశ్వజనీన హరే విజయీభవ ..

రాక్షససోదరభీతినివారక శారదశీతమయూఖముఖాంబుజ .
రావణదారుణవారణదారణకేసరిపుంగవ దేవ జయీభవ ..

కాననవానరవీరవనేచరకుంజరసింహమృగాదిషు వత్సల .
శ్రీవరసూరినిరస్తభవాదర వేంకటశైలపతే విజయీభవ ..

వాదిసాధ్వసకృత్సూరికథితం స్తవనం మహత్ .
వృషశైలపతేః శ్రేయస్కామో నిత్యం పఠేత్ సుధీః ..

Ramaswamy Sastry and Vighnesh Ghanapaathi