హే శారదే త్వం తమసాం నిహంత్రీ
సద్బుద్ధిదాత్రీ శశిశుభ్రగాత్రీ .
దేవీం సువిద్యాప్రతిభామయీం త్వాం
నమామి నిత్యం వరదానహస్తాం ..

ఆయాహి మాతః స్వరమంగలా త్వం
రాజస్వ కంఠే లలితం మదీయే .
తనుష్వ రూపం సుపరిప్రకాశం
రాగం సరాగం మధురం ప్రకామం ..

కాంతిస్త్వదీయా హి సముజ్జ్వలంతీ
ఖేదావసాదం వినివారయంతీ .
స్వాంతారవిందం కురుతే ప్రఫుల్లం
మాతర్నమస్తే వితరానుకంపాం ..

విజయతాం సుకృతామనురాగిణీ
రుచిరరాగరుచా స్వరభాస్వతీ .
సరసమంగలవర్ణతరంగిణీ
సుమధురా సుభగా భువి భారతీ ..

విరాజతే వినోదినీ పవిత్రతాం వితన్వతీ .
సుమంగలం దదాతు నో విభాస్వరా సరస్వతీ ..

Ramaswamy Sastry and Vighnesh Ghanapaathi