ఆమంత్రణం తే నిగమోక్తమంత్రైస్తంత్రప్రవేశాయ మనోహరాయ.
శ్రీరామచంద్రాయ సుఖప్రదాయ కరోమ్యహం త్వం కృపయా గృహాణ.
సత్యాధిరాజార్చితపాదపద్మ శ్రీమధ్వసంపూజిత సుందరాంగ.
శ్రీభార్గవీసన్నుతమందహాస శ్రీవ్యాసదేవాయ నమో నమస్తే.
అనంతరూపైరజితాదిభిశ్చ పరాదిభిశ్శ్రీబృహతీసహస్రః.
విశ్వాదిభిశ్చైవ సహస్రరూపైర్నారాయణాద్యష్టశతైరజాద్యైః.
ఏకాధిపంచాశదితైశ్చ రూపైశ్శ్రీకేశవాద్యైశ్చ చతుర్స్సువింశైః.
మత్స్యాదిభిస్స్వచ్ఛదశస్వరూపైర్విశ్వాదిభిశ్చాష్టభిరగ్రరూపైః.
తథాఽనిరుద్ధాదిచతుస్స్వరూపైర్గోబ్రాహ్మణశ్రీతులసీనివాసైః.
మంత్రేశరూపైః పరమాణుపూర్వసంవత్సరాంతామలకాలరూపైః.
జ్ఞానాదిందైస్స్థావరజంగమస్థైరవ్యాకృతాకాశవిహారరూపైః.
నారాయణాఖ్యేన తథాఽనిరుద్ధరూపేణ సక్ష్మోదగతేన తుష్టైః.
ప్రద్యుమ్నసంకర్షణనామకాభ్యాం భోక్తృస్థితాభ్యాం భుజిశక్తిదాభ్యాం.
శ్రీవాసుదేవేన నభఃస్థితేన హ్యభీష్టదేనాఖిలసద్గుణేన.
అశ్వాదిసద్యానగతేన నిత్యమారూఢరూపేణ సుసౌఖ్యదేన.
విశ్వాదిజాగ్రద్వినియామకేన స్వప్నస్థపాలేన చ తేజసేన.
ప్రాజ్ఞైన సౌషుప్తికపాలకేన తుర్యేణ మూర్ధ్ని స్థితియుక్పరేణ.
ఆత్మాంతరాత్మేత్యభిధేన హృత్స్థరూపద్వయేనాఖిలసారభోక్త్రా.
హృత్పద్మమూలాగ్రగసర్వగైశ్చ రూపత్రయేణాఖిలశక్తిభాజా .
కృద్ధోల్కరూపైర్హృదయాదిసంస్థైః ప్రాణాదిగైరన్నమయాదిగైశ్చ.
ఇలావృతాద్యామలఖండసంస్థైః ప్లక్షాదిసద్ద్వీపసముద్రధిష్ణ్యైః.
మేరుస్థకింస్తుఘ్నగకాలచక్రగ్రహగ్రహానుగ్రహిభిశ్చ లోకైః.
నారాయణీపూర్వవధూరురూపైస్త్రిధామభిర్భారసురధామభిశ్చ.
శ్రీమూలరామప్రతిమాదిసంస్థశ్రీరామచంద్రఖిలసద్గుణాబ్ధే.
సీతాపతే శ్రీపరమావతార మాబాదిభిర్బ్రహ్మముఖైశ్చ దేవైః.
దిక్పాలకైస్సాకమనంతసౌఖ్యసంపూర్ణసద్భక్తదయాంబురాశే.
సత్యాధిరాజార్యహృదబ్జవాస శ్రీమధ్వహృత్పంకజకోశవాస.
మద్వింబరూపేణ భవైక్యశాలీ చామంత్రితస్త్వద్య నమో నమస్తే.
వరాక్షతాన్ కాంచనముద్రికాశ్చ మంత్రేణ హేమ్నశ్చషకే నిధాయ.
సీతాపతే తే పురతశ్శ్రుతేస్తు ప్రదధ్యురేవం భగవత్స్వరూపం.
హిరణ్యరూపస్సహిరణ్యసంవృదగపాన్నపాస్తేదుహిరణ్యవర్ణః.
హిరణ్యయాత్పరియోనే నిషధ్యా హిరణ్యదాదదత్యన్నమస్మే.
వసిష్యోత్తమవస్త్రాణి భూషణైరప్యలంకురు.
కుర్వన్నుత్సవమత్యంతమస్మదీయం మఖం యజ.
మంత్రితోఽసి దేవేశ పురాణపురుషోత్తమ.
మంత్రేశైర్లోకపాలైశ్చ సార్ధం దేవగణైః శ్రియా.
త్రికాలపూజాసు దయార్ద్రదృష్ట్యా మయార్పితం చార్హణమాశు సత్త్వం.
గృహాణ లోకాధిపతే రమేశ మమాపరాధాన్ సకలాన్ క్షమస్వ.