అస్య శ్రీవేంకటేశద్వాదశనామస్తోత్రమహామంత్రస్య. బ్రహ్మా-ఋషిః.
అనుష్టుప్-ఛందః శ్రీవేంకటేశ్వరో దేవతా. ఇష్టార్థే వినియోగః.
నారాయణో జగన్నాథో వారిజాసనవందితః.
స్వామిపుష్కరిణీవాసీ శన్ఙ్ఖచక్రగదాధరః.
పీతాంబరధరో దేవో గరుడాసనశోభితః.
కందర్పకోటిలావణ్యః కమలాయతలోచనః.
ఇందిరాపతిగోవిందః చంద్రసూర్యప్రభాకరః.
విశ్వాత్మా విశ్వలోకేశో జయశ్రీవేంకటేశ్వరః.
ఏతద్ద్వాదశనామాని త్రిసంధ్యం యః పఠేన్నరః.
దారిద్ర్యదుఃఖనిర్ముక్తో ధనధాన్యసమృద్ధిమాన్.
జనవశ్యం రాజవశ్య సర్వకామార్థసిద్ధిదం.
దివ్యతేజః సమాప్నోతి దీర్ఘమాయుశ్చ విందతి.
గ్రహరోగాదినాశం చ కామితార్థఫలప్రదం.
ఇహ జన్మని సౌఖ్యం చ విష్ణుసాయుజ్యమాప్నుయాత్.

Ramaswamy Sastry and Vighnesh Ghanapaathi