విశుద్ధదేహో మహదంబరార్చితః
కిరీటభూషా- మణుమండనప్రియః.
మహాజనో గోసముదాయరక్షకో
విభాతు చిత్తే మమ వేంకటేశ్వరః.
ఉదారచిత్తః పరమేశకీర్తితో
దశాస్యహంతా భగవాంశ్చతుర్భుజః.
మునీంద్రపూజ్యో ధృతవిక్రమః సదా
విభాతు చిత్తే మమ వేంకటేశ్వరః.
సనాతనో నిత్యకృపాకరోఽమరః
కవీంద్రశక్తే- రభిజాతశోభనః.
బలిప్రమర్దస్త్రిపదశ్చ వామనో
విభాతు చిత్తే మమ వేంకటేశ్వరః.
సురేశ్వరో యజ్ఞవిభావనో వరో
వియచ్చరో వేదవపుర్ద్విలోచనః.
పరాత్పరః సర్వకలాధురంధరో
విభాతు చిత్తే మమ వేంకటేశ్వరః.
స్వయంభువః శేషమహీధ్రమందిరః
సుసేవ్యపాదాంఘ్రియుగో రమాపతిః.
హరిర్జగన్నాయక- వేదవిత్తమో
విభాతు చిత్తే మమ వేంకటేశ్వరః.

Ramaswamy Sastry and Vighnesh Ghanapaathi