బ్రహ్మవిష్ణుమహేశసన్నుతపావనాంఘ్రిసరోరుహం
నీలనీరజలోచనం హరిమాశ్రితామరభూరుహం.
కేశవం జగదీశ్వరం త్రిగుణాత్మకం పరపూరుషం
పర్శురామముపాస్మహే మమ కింకరిష్యతి యోఽపి వై.
అక్షయం కలుషాపహం నిరుపద్రవం కరుణానిధిం
వేదరూపమనామయం విభుమచ్యుతం పరమేశ్వరం.
హర్షదం జమదగ్నిపుత్రకమార్యజుష్టపదాంబుజం
పర్శురామముపాస్మహే మమ కింకరిష్యతి యోఽపి వై.
రైణుకేయమహీనసత్వకమవ్యయం సుజనార్చితం
విక్రమాఢ్యమినాబ్జనేత్రకమబ్జశార్ఙ్గగదాధరం.
ఛత్రితాహిమశేషవిద్యగమష్టమూర్తిమనాశ్రయం
పర్శురామముపాస్మహే మమ కింకరిష్యతి యోఽపి వై.
బాహుజాన్వయవారణాంకుశమర్వకంఠమనుత్తమం
సర్వభూతదయాపరం శివమబ్ధిశాయినమౌర్వజం.
భక్తశత్రుజనార్దనం నిరయార్దనం కుజనార్దనం
పర్శురామముపాస్మహే మమ కింకరిష్యతి యోఽపి వై.
జంభయజ్ఞవినాశకంచ త్రివిక్రమం దనుజాంతకం
నిర్వికారమగోచరం నరసింహరూపమనర్దహం.
వేదభద్రపదానుసారిణమిందిరాధిపమిష్టదం
పర్శురామముపాస్మహే మమ కింకరిష్యతి యోఽపి వై.
నిర్జరం గరుడధ్వజం ధరణీశ్వరం పరమోదదం
సర్వదేవమహర్షిభూసురగీతరూపమరూపకం.
భూమతాపసవేషధారిణమద్రిశంచ మహామహం
పర్శురామముపాస్మహే మమ కింకరిష్యతి యోఽపి వై.
సర్వతోముఖమక్షికర్షకమార్యదుఃఖహరంకలౌ.
వేంకటేశ్వరరూపకం నిజభక్తపాలనదీక్షితం
పర్శురామముపాస్మహే మమ కింకరిష్యతి యోఽపి వై.
దివ్యవిగ్రహధారిణం నిఖిలాధిపం పరమం మహా-
వైరిసూదనపండితం గిరిజాతపూజితరూపకం.
బాహులేయకుగర్వహారకమాశ్రితావలితారకం
పర్శురామముపాస్మహే మమ కింకరిష్యతి యోఽపి వై.
పర్శురామాష్టకమిదం త్రిసంధ్యం యః పఠేన్నరః.
పర్శురామకృపాసారం సత్యం ప్రాప్నోతి సత్వరం.

Ramaswamy Sastry and Vighnesh Ghanapaathi