శ్రీదేవరాజమనిశం నిగమాంతవేద్యం
యజ్ఞేశ్వరం విధిమహేంద్ర- హితైకలక్ష్యం|
నవ్యాంబువాహసుషమా- తనుశోభమానం
శ్రీహస్తిశైలసదనం వరదం ప్రపద్యే|
పంకేరుహాసనకృతామల- వాజియజ్ఞే
వైతానకే హుతభుజి త్వరయాఽఽవిరాసీత్|
మందస్మితాంచిత- ముఖేన వపాం దశన్
యస్తం నాగశైలసదనం వరదం ప్రపద్యే|
చండాంశుశీతకిరణాయత- నేత్రయుగ్మం
పద్మానివాస- రమణీయభుజాంతరం తం|
ఆజానుబాహుమురరీ- కృతసప్తతంతుం
మాతంగశైలసదనం వరదం ప్రపద్యే|
రత్నప్రకాండ- రచితాలసదూర్ధ్వపుండ్రం
బిభ్రాణమంతకరిపుప్రియ- మిత్రవర్యం|
శంఖం చ చక్రమభయాంకగదే దధానం
నాగేంద్రశైలసదనం వరదం ప్రపద్యే|
నందాత్మజం హలధరం దశకంఠకాలం
క్షత్రద్విషం కలిరిపుం నరసింహవేషం|
కోలాత్మకం కమఠరూపధరం చ మత్స్యం
వేతండశైలసదనం వరదం ప్రపద్యే|