యో లోకరక్షార్థమిహావతీర్య వైకుంఠలోకాత్ సురవర్యవర్యః.
శేషాచలే తిష్ఠతి యోఽనవద్యే తం వేంకటేశం శరణం ప్రపద్యే.
పద్మావతీమానసరాజహంసః కృపాకటాక్షానుగృహీతహంసః.
హంసాత్మనాదిష్ట- నిజస్వభావస్తం వేంకటేశం శరణం ప్రపద్యే.
మహావిభూతిః స్వయమేవ యస్య పదారవిందం భజతే చిరస్య.
తథాపి యోఽర్థం భువి సంచినోతి తం వేంకటేశం శరణం ప్రపద్యే.
య ఆశ్వినే మాసి మహోత్సవార్థం శేషాద్రిమారుహ్య ముదాతితుంగం.
యత్పాదమీక్షంతి తరంతి తే వై తం వేంకటేశం శరణం ప్రపద్యే.
ప్రసీద లక్ష్మీరమణ ప్రసీద ప్రసీద శేషాద్రిశయ ప్రసీద.
దారిద్ర్యదుఃఖాదిభయం హరస్వ తం వేంకటేశం శరణం ప్రపద్యే.
యది ప్రమాదేన కృతోఽపరాధః శ్రీవేంకటేశాశ్రితలోకబాధః.
స మామవ త్వం ప్రణమామి భూయస్తం వేంకటేశం శరణం ప్రపద్యే.
న మత్సమో యద్యపి పాతకీహ న త్వత్సమః కారుణికోఽపి చేహ.
విజ్ఞాపితం మే శృణు శేషశాయిన్ తం వేంకటేశం శరణం ప్రపద్యే.
వేంకటేశాష్టకమిదం త్రికాలం యః పఠేన్నరః.
స సర్వపాపనిర్ముక్తో వేంకటేశప్రియో భవేత్.

Ramaswamy Sastry and Vighnesh Ghanapaathi