రాఘవ షట్క స్తోత్రం
ఆంజనేయార్చితం జానకీరంజనం
భంజనారాతివృందారకంజాఖిలం .
కంజనానంతఖద్యోతకంజారకం
గంజనాఖండలం ఖంజనాక్షం భజే ..
కుంజరాస్యార్చితం కంజజేన స్తుతం
పింజరధ్వంసకంజారజారాధితం .
కుంజగంజాతకంజాంగజాంగప్రదం
మంజులస్మేరసంపన్నవక్త్రం భజే ..
బాలదూర్వాదలశ్యామలశ్రీతనుం
విక్రమేణావభగ్నత్రిశూలీధనుం .
తారకబ్రహ్మనామద్వివర్ణీమనుం
చింతయామ్యేకతారింతనూభూదనుం ..
కోశలేశాత్మజానందనం చందనా-
నందదిక్స్యందనం వందనానందితం .
క్రందనాందోలితామర్త్యసానందదం
మారుతిస్యందనం రామచంద్రం భజే ..
భీదరంతాకరం హంతృదూషిన్ఖరం
చింతితాంఘ్ర్యాశనీకాలకూటీగరం .
యక్షరూపే హరామర్త్యదంభజ్వరం
హత్రియామాచరం నౌమి సీతావరం ..
శత్రుహృత్సోదరం లగ్నసీతాధరం
పాణవైరిన్సుపర్వాణభేదిన్శరం .
రావణత్రస్తసంసారశంకాహరం
వందితేంద్రామరం నౌమి స్వామిన్నరం ..
శంఖదీపాఖ్యమాలిన్సుధీసూచికా-
నిర్మితం వాక్స్రజం చేదమిష్టప్రదం .
స్రగ్విణీఛందసూత్రేణ సందానితం
ద్వబ్జినీశాభవర్ణీషడబ్జైః యుతం ..
Other stotras
