ರಾಘವ ಷಟ್ಕ ಸ್ತೋತ್ರ
ಆಂಜನೇಯಾರ್ಚಿತಂ ಜಾನಕೀರಂಜನಂ
ಭಂಜನಾರಾತಿವೃಂದಾರಕಂಜಾಖಿಲಂ .
ಕಂಜನಾನಂತಖದ್ಯೋತಕಂಜಾರಕಂ
ಗಂಜನಾಖಂಡಲಂ ಖಂಜನಾಕ್ಷಂ ಭಜೇ ..
ಕುಂಜರಾಸ್ಯಾರ್ಚಿತಂ ಕಂಜಜೇನ ಸ್ತುತಂ
ಪಿಂಜರಧ್ವಂಸಕಂಜಾರಜಾರಾಧಿತಂ .
ಕುಂಜಗಂಜಾತಕಂಜಾಂಗಜಾಂಗಪ್ರದಂ
ಮಂಜುಲಸ್ಮೇರಸಂಪನ್ನವಕ್ತ್ರಂ ಭಜೇ ..
ಬಾಲದೂರ್ವಾದಲಶ್ಯಾಮಲಶ್ರೀತನುಂ
ವಿಕ್ರಮೇಣಾವಭಗ್ನತ್ರಿಶೂಲೀಧನುಂ .
ತಾರಕಬ್ರಹ್ಮನಾಮದ್ವಿವರ್ಣೀಮನುಂ
ಚಿಂತಯಾಮ್ಯೇಕತಾರಿಂತನೂಭೂದನುಂ ..
ಕೋಶಲೇಶಾತ್ಮಜಾನಂದನಂ ಚಂದನಾ-
ನಂದದಿಕ್ಸ್ಯಂದನಂ ವಂದನಾನಂದಿತಂ .
ಕ್ರಂದನಾಂದೋಲಿತಾಮರ್ತ್ಯಸಾನಂದದಂ
ಮಾರುತಿಸ್ಯಂದನಂ ರಾಮಚಂದ್ರಂ ಭಜೇ ..
ಭೀದರಂತಾಕರಂ ಹಂತೃದೂಷಿನ್ಖರಂ
ಚಿಂತಿತಾಂಘ್ರ್ಯಾಶನೀಕಾಲಕೂಟೀಗರಂ .
ಯಕ್ಷರೂಪೇ ಹರಾಮರ್ತ್ಯದಂಭಜ್ವರಂ
ಹತ್ರಿಯಾಮಾಚರಂ ನೌಮಿ ಸೀತಾವರಂ ..
ಶತ್ರುಹೃತ್ಸೋದರಂ ಲಗ್ನಸೀತಾಧರಂ
ಪಾಣವೈರಿನ್ಸುಪರ್ವಾಣಭೇದಿನ್ಶರಂ .
ರಾವಣತ್ರಸ್ತಸಂಸಾರಶಂಕಾಹರಂ
ವಂದಿತೇಂದ್ರಾಮರಂ ನೌಮಿ ಸ್ವಾಮಿನ್ನರಂ ..
ಶಂಖದೀಪಾಖ್ಯಮಾಲಿನ್ಸುಧೀಸೂಚಿಕಾ-
ನಿರ್ಮಿತಂ ವಾಕ್ಸ್ರಜಂ ಚೇದಮಿಷ್ಟಪ್ರದಂ .
ಸ್ರಗ್ವಿಣೀಛಂದಸೂತ್ರೇಣ ಸಂದಾನಿತಂ
ದ್ವಬ್ಜಿನೀಶಾಭವರ್ಣೀಷಡಬ್ಜೈಃ ಯುತಂ ..
Other stotras
