மகிஷாசுர மர்த்தினி ஸ்தோத்திரம்

அயி கிரினந்தினி நந்திதமேதினி விஶ்வவினோதினி நந்தனுதே
கிரிவரவிந்த்யஶிரோதிநிவாஸினி விஷ்ணுவிலாஸினி ஜிஷ்ணுனுதே .
பகவதி ஹே ஶிதிகண்டகுடும்பினி பூரிகுடும்பினி பூரிக்ருʼதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 1..

ஸுரவரவர்ஷிணி துர்தரதர்ஷிணி துர்முகமர்ஷிணி ஹர்ஷரதே
த்ரிபுவனபோஷிணி ஶங்கரதோஷிணி கில்பிஷமோஷிணி கோஷரதே .
தனுஜநிரோஷிணி திதிஸுதரோஷிணி துர்மதஶோஷிணி ஸிந்துஸுதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 2..

அயி ஜகதம்ப மதம்ப கதம்பவனப்ரியவாஸினி ஹாஸரதே
ஶிகரிஶிரோமணிதுங்கஹிமாலயஶ்ருʼங்கநிஜாலயமத்யகதே .
மதுமதுரே மதுகைடபகஞ்ஜினி கைடபபஞ்ஜினி ராஸரதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 3..

அயி ஶதகண்டவிகண்டிதருண்டவிதுண்டிதஶுண்டகஜாதிபதே
ரிபுகஜகண்டவிதாரணசண்டபராக்ரமஶுண்டம்ருʼகாதிபதே .
நிஜபுஜதண்டநிபாதிதகண்டவிபாதிதமுண்டபடாதிபதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 4..

அயி ரணதுர்மதஶத்ருவதோதிததுர்தரநிர்ஜரஶக்திப்ருʼதே
சதுரவிசாரதுரீணமஹாஶிவதூதக்ருʼதப்ரமதாதிபதே .
துரிததுரீஹதுராஶயதுர்மதிதானவதூதக்ருʼதாந்தமதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 5..

அயி ஶரணாகதவைரிவதூவரவீரவராபயதாயகரே
த்ரிபுவநமஸ்தகஶூலவிரோதிஶிரோதிக்ருʼதாமலஶூலகரே .
துமிதுமிதாமரதுந்துபிநாதமஹோமுகரீக்ருʼததிக்மகரே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 6..

அயி நிஜஹுங்க்ருʼதிமாத்ரநிராக்ருʼததூம்ரவிலோசனதூம்ரஶதே
ஸமரவிஶோஷிதஶோணிதபீஜஸமுத்பவஶோணிதபீஜலதே .
ஶிவஶிவ ஶும்பநிஶும்பமஹாஹவதர்பிதபூதபிஶாசரதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 7..

தனுரனுஸங்கரணக்ஷணஸங்கபரிஸ்புரதங்கனடத்கடகே
கனகபிஶங்கப்ருʼஷத்கநிஷங்கரஸத்படஶ்ருʼங்கஹதாவடுகே .
க்ருʼதசதுரங்கபலக்ஷிதிரங்ககடத்பஹுரங்கரடத்படுகே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 8..

ஜய ஜய ஜப்யஜயே ஜயஶப்தபரஸ்துதிதத்பரவிஶ்வனுதே
ஜணஜணஜிஞ்ஜிமிஜிங்க்ருʼதநூபுரஸிஞ்ஜிதமோஹிதபூதபதே .
நடிதனடார்தநடீனடநாயகனாடிதநாட்யஸுகானரதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே ..9..

அயி ஸுமன꞉ஸுமன꞉ஸுமன꞉ஸுமன꞉ஸுமன꞉ஸுமனோஹரகாந்தியுதே
ஶ்ரிதரஜநீரஜநீரஜநீரஜநீரஜனீகரவக்த்ரவ்ருʼதே .
ஸுநயனவிப்ரமரப்ரமரப்ரமரப்ரமரப்ரமராதிபதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 10..

ஸஹிதமஹாஹவமல்லமதல்லிகமல்லிதரல்லகமல்லரதே
விரசிதவல்லிகபல்லிகமல்லிகபில்லிகபில்லிகவர்கவ்ருʼதே .
ஸிதக்ருʼதபுல்லிஸமுல்லஸிதாருணதல்லஜபல்லவஸல்லலிதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 11..

அவிரலகண்டகலன்மதமேதுரமத்தமதங்கஜராஜபதே
த்ரிபுவனபூஷணபூதகலாநிதிரூபபயோநிதிராஜஸுதே .
அயி ஸுததீஜனலாலஸமானஸமோஹனமன்மதராஜஸுதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே ..12..

கமலதலாமலகோமலகாந்திகலாகலிதாமலபாலலதே
ஸகலவிலாஸகலாநிலயக்ரமகேலிசலத்கலஹம்ʼஸகுலே .
அலிகுலஸங்குலகுவலயமண்டலமௌலிமிலத்பகுலாலிகுலே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 13..

கரமுரலீரவவீஜிதகூஜிதலஜ்ஜிதகோகிலமஞ்ஜுமதே
மிலிதபுலிந்தமனோஹரகுஞ்ஜிதரஞ்ஜிதஶைலநிகுஞ்ஜகதே .
நிஜகுணபூதமஹாஶபரீகணஸத்குணஸம்ப்ருʼதகேலிதலே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 14..

கடிதடபீததுகூலவிசித்ரமயூகதிரஸ்க்ருʼதசந்த்ரருசே
ப்ரணதஸுராஸுரமௌலிமணிஸ்புரதம்ʼஶுலஸந்நகசந்த்ரருசே .
ஜிதகனகாசலமௌலிபதோர்ஜிதநிர்ஜரகுஞ்ஜரகும்பகுசே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 15..

விஜிதஸஹஸ்ரகரைகஸஹஸ்ரகரைகஸஹஸ்ரகரைகனுதே
க்ருʼதஸுரதாரகஸங்கரதாரகஸங்கரதாரகஸூனுஸுதே .
ஸுரதஸமாதிஸமானஸமாதிஸமாதிஸமாதிஸுஜாதரதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 16..

பதகமலம்ʼ கருணாநிலயே வரிவஸ்யதி யோ(அ)னுதினம்ʼ ஸ ஶிவே
அயி கமலே கமலாநிலயே கமலாநிலய꞉ ஸ கதம்ʼ ந பவேத் .
தவ பதமேவ பரம்பதமேவமனுஶீலயதோ மம கிம்ʼ ந ஶிவே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 17..

கனகலஸத்கலஸிந்துஜலைரனுஸிஞ்சினுதே குணரங்கபுவம்ʼ
பஜதி ஸ கிம்ʼ ந ஶசீகுசகும்பதடீபரிரம்பஸுகானுபவம் .
தவ சரணம்ʼ ஶரணம்ʼ கரவாணி நதாமரவாணிநிவாஸி ஶிவம்ʼ
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 18..

தவ விமலேந்துகுலம்ʼ வதனேந்துமலம்ʼ ஸகலம்ʼ நனு கூலயதே
கிமு புருஹூதபுரீந்துமுகீஸுமுகீபிரஸௌ விமுகீக்ரியதே .
மம து மதம்ʼ ஶிவநாமதனே பவதீ க்ருʼபயா கிமுத க்ரியதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 19..

அயி மயி தீனதயாலுதயா க்ருʼபயைவ த்வயா பவிதவ்யமுமே
அயி ஜகதோ ஜனனீ க்ருʼபயா(அ)ஸி யதாஸி ததா(அ)னுமிதாஸி ரதே .
யதுசிதமத்ர பவத்யுரரீகுரு தாதுருதாபமபாகுருதே
ஜய ஜய ஹே மஹிஷாஸுரமர்தினி ரம்யகபர்தினி ஶைலஸுதே .. 20..

Ramaswamy Sastry and Vighnesh Ghanapaathi

Other stotras