லட்சுமி சதக ஸ்தோத்திரம்

ஆனந்தம்ʼ திஶது ஶ்ரீஹஸ்திகிரௌ ஸ்வஸ்திதா ஸதா மஹ்யம் .
யா கௌதுகம்ʼ விதத்தே ஸாக்ருʼதேனாவலோகனேன ஹரே꞉ ..

யந்நாம கீர்தனீயம்ʼ ஶ்ரீரித்யாதௌ ப்ரியம்ʼ ஹரேர்நாம்னாம் .
ஸா மே ஸமஸ்தஜனனீ ஸந்ததமுதயாய பூயஸே பூயாத் ..

ஶ்ரீவரதேஶ்வரதயிதே வாஞ்சாமி த்வாம்ʼ யதாமதி ஸ்தோதும் .
ஸ்வல்போ(அ)பி டிம்பஜல்போ மாது꞉ ப்ரீதிம்ʼ கதம்ʼ ந ஸஞ்ஜனயேத் ..

முரரிபுமோஹனதாம்னே மூர்திவிநிர்தூதவிஷ்புரத்தேம்னே .
திவிஷதமேயவிபூம்னே லக்ஷ்மீநாம்னே பரம்ʼ நமோ பும்னே ..

கரிகிரிநாயககாந்தே தாந்தஜனஸ்வாந்தபங்கஜநிஶாந்தே .
மயி பவமரணாஶ்ராந்தே கருணாம்ʼ ஶரணாகதே குரு ப்ரகுணாம் ..

வாசாமக்ருʼத்ரிமாணாமபி முனிமனஸாமகோசரே தேவி .
த்வத்வர்ணனே மதீயாம்ʼ காங்க்ஷாம்ʼ ஸபலாம்ʼ கரோது தே கருணா ..

மாகத்விது விம்பாஸ்யே மங்கலஸௌம்யாக்ருʼதே குருஶ்ரோணி .
ப்ருʼகுனந்தினி மந்தகதே ரோமலதாஹே ஜயாப்திகுலகேதோ ..

தன்யம்ʼ ப்ரஸூநகர்பம்ʼ தம்மில்லம்ʼ தேவி தாவகம்ʼ மன்யே .
ப்ரஸவஶரேண ந்யஸ்தம்ʼ தூணம்ʼ பாணௌகபூர்ணமர்ணவஜே ..

த்வத்கேஶபாஶஶோபாபரிமோஷாணாம்ʼ பலம்ʼ பயோதானாம் .
தேவி தடித்குணவந்தோ நோதனமனிலை꞉ பலாயனம்ʼ திக்ஷு ..

நிந்ததி நீரதிகன்யே கசனிசயஸ்தே கலாபினம்ʼ காந்த்யா .
அஸ்யதி பர்ஹம்ʼ ந கதம்ʼ புஜங்கவ்ருʼத்திஶ்ச பக்ஷபாதீ ச ..

ஜயது விபக்ஷம்ʼ பத்மே பர்ஹிணவர்ஹம்ʼ த்வதீயகேஶபரம் .
த்வத்காந்தஸ்ய ஸபக்ஷம்ʼ கனமபி காந்த்யா கதம்ʼ பராகுருதே ..

வர்ஹம்ʼ விகர்ஹிதாபம்ʼ ஶஸ்தேனானேன கேஶஹஸ்தேன .
மத்வாபவன்மயூரா மந்தாஶா ஜீவிதே வ்ருʼதவிஷாஶா꞉ ..

திவ்யாமம்புதிகன்யே த்ருʼஷ்ட்வா கேஶஶ்ரியம்ʼ தவாம்போதா꞉ .
ஆருஹ்யாத்ரிஶ்ரேஷ்டம்ʼ குருதே த்ரபயேவ ஜீவனத்யாகம் ..

ஸிந்தூரஸுந்தரீ தே பத்மே ஸீமந்தபத்ததிர்பாதி .
வர்ஷாவலாஹகஸ்தா வித்யுல்லேகேவ வீதசாஞ்சல்யா ..

வேணீமம்புதிகன்யே ப்ருʼங்கஶ்ரேணீமிவ ஸ்புரந்தீ தே .
ஶம்பரவைரிக்ருʼபாணீம்ʼ ஶங்கே மானாபஹாரிணீம்ʼ ஶௌரே꞉ ..

பாலேநாபிமுகேன ப்ரதிமாகாங்க்ஷீ தவேந்துரம்புதிஜே .
அர்தாக்ருʼதி꞉ கலாபி꞉ பூர்ணோ பவதி க்ரியாஸமபிஹாராத் ..

கர்ணாவதம்ʼஸலக்ஷ்மீ கலயதி கமலே விஶாலத்ருʼஷ்டிஸ்தே .
நீலோத்பலஸ்ய க்ருʼத்யம்ʼ கிமிதி ஶ்ருதிமூலஶாலினீ சிந்த்யம் ..

வந்தீக்ருʼதம்ʼ கடாக்ஷைரிந்தீவரமேததிந்திரே ஶ்ரவஸி .
ந்யஸ்தம்ʼ புன꞉ புனஸ்தந்நித்யம்ʼ ஶங்கீவ வீக்ஷதே சக்ஷு꞉ ..

நயனமுதஞ்சத்கருணம்ʼ நாநாஶ்ருʼங்காரமங்களாகாரம் .
தேவி த்வதாஶ்ரிதானாம்ʼ கர்ணமதிக்ரவ்ய காஇக்ஷிதம்ʼ தத்தே ..

கல்லோலினீஶகன்யே த்வல்லோசனகாந்திலிப்ஸயா கிம்ʼ வா .
த்விஜராஜபாதஸேவாம்ʼ ஜீவஞ்ஜீவ꞉ கரோதி ஸர்வோ(அ)பி ..

ஸ்புரதி தவ ஶ்ருத்யந்தே பதிரிதி யத் ப்ராஹுரம்ப வேதவித꞉ .
ஶ்ருத்யந்தமேதி தத்தே த்ருʼஷ்டி꞉ காந்தாவலோகனாஸக்தா ..

உல்லங்கிதஶ்ருதீநாமுததிஸுதே ஶோபனம்ʼ நஹீதி ம்ருʼஷா .
யேன தவேதம்ʼ வ்யக்தம்ʼ ஶ்ருதிபதமுல்லங்க்ய ஶோபனம்ʼ நயனம் ..

ஶ்ருத்யந்தே க்ருʼதவஸதி꞉ பாத்மருசிம்ʼ தே ப்ரகாஶயந்த்யப்ஜே .
பரமார்கத்ருʼஷ்டிஸ்ருʼஷ்டாம்ʼ த்ருʼஷ்டிரியம்ʼ வைஷ்ணவீம்ʼ ச தூஷயதி ..

தேவி நிமித்தகுணஸ்ய க்வாபி ந த்ருʼஷ்டம்ʼ ஹி கார்யஸங்க்ரமணம் .
அந்ருʼதமிதீதம்ʼ வசனம்ʼ யத்வதபாங்காதனங்கஸத்பாவ꞉ ..

ஆத்யாவதாரஶோபாமங்கீகுர்வாணஸாத்மநாதஸ்ய .
நிருபமஸுஷமம்ʼ கோ வா சக்ஷுஸ்தவ தேவி தக்ஷிண꞉ ஸ்தோதும் ..

அஸ்ருʼஜத் கமலம்ʼ தாதா துலனாம்ʼ தேவீக்ஷணஸ்ய தே வாஞ்சன் .
அஸத்ருʼஶபாவாதமுனா நாம ப்ராப்தம்ʼ ஜலஜமித்யுசிதம் ..

லோகஜனன்யதிபாஸ்வல்லோசனஶபரீவிராஜமானம்ʼ தே .
காந்தம்ʼ நாஸாவம்ʼஶம்ʼ கேதும்ʼ மதனஸ்ய கே ந ஶம்ʼஸந்தி ..

த்வநாஸிகாத்தகந்தஸ்த்ரபயேவாகோமுகஸ்திலப்ரஸவ꞉ .
முஹுரஶ்ரூணி ப்ராயோ முஞ்சதி மாதர்மரந்தவிந்துமிஷாத் ..

நாஸாமௌக்திகமேதன்மன்யே வாராஶிகன்யகே தன்யம் .
தவ முகதாராதிபதே꞉ காமாதேகம்ʼ கலஜ்ஞமங்ககதம் ..

முக்தோத்பத்திஸ்தானம்ʼ ஸரஸிஜமிதி யத் ஸமஸ்தகவிஸித்தம் .
தத்வயக்தீகரணம்ʼ தே நாஸாமுக்தாபலஸ்ய தேவி பலம் ..

பரிபூதகுந்தகுஸுமம்ʼ பாஸா நாஸாக்ரபாஸ்வரம்ʼ பத்மே .
முக்தாபலம்ʼ முராரேர்மோஹனகுடிகேவ மான்மதீ பாதி ..

பாஸா விராஜமானம்ʼ நாஸாமுக்தாபலம்ʼ மம ஸ்புரதி .
அம்ப தவானனபத்மே ஸ்மிதருசிஹம்ʼஸீப்ரஸூதமண்டமிவ ..

துர்வ்ருʼத்த꞉ கலு லோகே கமலே குர்யாத் ஸதாம்ʼ திரஸ்காரம் .
நித்யஸுவ்ருʼத்தேன கதம்ʼ நாஸாமணினா ஸதாம்ʼ திரஸ்கார꞉ ..

கர்ணேன தே(அ)ப்திகன்யே தாடங்காதே꞉ ப்ரதீயதே ஶோபா .
கர்ணஸ்ய ஹி ஸ்வபாவ꞉ ஶ்ரீமந்தம்ʼ யத் ஸ்வமாஶ்ரயம்ʼ குருதே ..

தர்கோ மமாப்திகன்யே ஹாடகதாடங்கசக்ரமர்க இதி .
யத்யேததேஷ ந ஸ்யாத் கர்ணாஸக்தி꞉ கதம்ʼ பவேதஸ்ய ..

பாதி கபோல꞉ கமலே பத்யு꞉ ஶ்ருʼங்காரமணிமயாதர்ஶ꞉ .
ப்ரதிபலிததன்முகோ(அ)யம்ʼ ஹ்ருʼத இவ ஸோ(அ)தோவிகஸ்வராம்புருஹ꞉ ..

மதுரவசோகணனாயாம்ʼ மாதஸ்த்வத்கீரபூதியம்ʼ ப்ரதமா .
நைவ த்விதீயவார்தா கோகிலவாதே குதோ நு பஞ்சமதா ..

ஸாம்யாபிலாஷதோஷம்ʼ ஸம்மார்ஷ்டும்ʼ த்வத்விரா சிராதிக்ஷோ꞉ .
சக்ரே பஞ்சஶரஸ்தம்ʼ சாபானமனாபதேஶத꞉ ப்ரணதம் ..

அர்ணவகன்யே தன்யாமாகர்ணயதஸ்த்வதீரிதாம்ʼ வாசம் .
ஶுகபிகவசனஶ்ரவணம்ʼ ஶ்ருதிபுடகடு தேவி கஸ்ய வா ந பவேத் ..

கஸ்ய கிரஸ்தே ஶ்ரோது꞉ கமலே வதனாரவிந்தகந்தலிதா꞉ .
ந பவேன்மஹதீ ப்ரீதிர்நாரதமேகம்ʼ வினா முனீஶானம் ..

மகரந்தா꞉ ஸுனரஸா꞉ ஶுகபிகவாசோ(அ)பி விஸ்வரா யேன .
வீணா꞉ பரிவாதின்யஸ்தேன கிலாப்ஜே தவோபமா ந கிராம் ..

அம்பாபிஜாதவாணீதனரஸமாதுர்யசௌர்யகாரீ தே .
அதிமர்தனாஸஹிஷ்ணுர்முஷிதரஸானேஷ முஞ்சதீவேக்ஷு꞉ ..

நீரதயேவ மரந்தோ பாவ்யஶ்ஶ்ரவணே தவாப்திஜே வாசாம் .
ஸ்வாதித ஏவ ஸுதாயா꞉ ஸ்வாத்யேதி க்யாதிரபி ந மாதுர்யாத் ..

அதரேண பந்துஜீவம்ʼ முகத꞉ ப்ராபாதிகம்ʼ ச ராஜீவம் .
தூரீகரோஷி கிம்ʼ வா தேவி த்வம்ʼ ஸர்வஜீவகருணார்த்ரா ..

அந்தே வஸன் த்விஜாநாமவதாதாநாமதிஸ்புரத்ரூப꞉ .
அம்ப தவாதிகமதரோ பிம்பப்ரதிபிம்பயோக்யோ(அ)பூத் ..

ஸந்ததபல்லவயோகே முக்திர்ன ஶுசேரபீதி வாங் மித்யா .
தேவி தவாதர பல்லவஸம்ʼயோகே(அ)த்யமலா த்விஜா முக்தா꞉ ..

தவ தடினீபதிகந்தே த்விஜபடலீ வதனஶுக்திமுக்தாஶ்ரீ꞉ .
அதனுயஶோபீஜாநாமங்குரபங்க்தி꞉ பரிஸ்புரந்தீவ ..

வதனம்ʼ ஸுதாகரஸ்தே வாரிதிகன்யே ந தத்ர ஸந்தேஹ꞉ .
வசனாபதேஶமேதன்னோ சேதம்ருʼதம்ʼ கதம்ʼ தத꞉ ப்ரபவேத் ..

ப்ரூயுகளம்ʼ ப்ருʼகுதனயே குஸுமஶரஸ்யேவ ஸவ்யஸாசிதயா .
ஆரோபிதாக்ஷிபாணம்ʼ கோதண்டத்வந்த்வமிதி மதிம்ʼ தத்தே ..

அப்ஜத்வயமபி விஜிதம்ʼ தவ கமலே வக்த்ரஶோபயா தத்ர .
அம்பரமேகம்ʼ ஶரணம்ʼ ஶம்பரமபரம்ʼ ச ஸத்வரம்ʼ ப்ராபத் ..

சந்த்ரோ(அ)பவத் விஷாதீ சாரு முகம்ʼ தேவி தாவகம்ʼ வீக்ஷ்ய .
குக்ஷிகதம்ʼ கரமஸ்ய ப்ராஹு꞉ பங்கம்ʼ கலங்கமித்யேகே ..

விஜிதஸ்த்வன்முககாந்த்யா தேவி நிராஶோ நிஶாகரோ ஜீவே .
ப்ருʼகுபதனம்ʼ குருதே(அ)ஸாவஸ்தமத வ்யாஜதோ(அ)ன்வஹம்ʼ தூர்ணம் ..

அம்ப யதஸ்தே நிதராமானனகாந்த்யா த்ருʼணீக்ருʼதஶ்சந்த்ர꞉ .
ஆத꞉ கில த்ருʼணபுத்தயா முஞ்சதி நைனம்ʼ ம்ருʼக꞉ கதாசிதபி ..

தேவி தவானனதுலநாமபிலஷதாம்ʼ ஸாகஸாம்ʼ ஸரோஜானாம் .
மஜ்ஜனமப்ஸு ச பந்த꞉ ஶைவலபாஶேன ஷட்பதை꞉ ப்ரஸ்ருʼதி꞉ ..

த்விஜராஜஸ்யாப்யப்ஜே த்வத்வக்த்ரேணோபமானரஹிதேன .
ஸமதாபிலாஷதோஷாத்தோஷாகரதா விதோர்துரந்தாப்ருʼத் ..

பத்மே பரஸ்வஹரணம்ʼ தோஷாயேதி ப்ரபாஷணம்ʼ மித்யா .
அபஹ்ருʼத்ய ராஜலக்ஷ்மீமபதோஷம்ʼ யத்விபாதி தே வக்த்ரேம் ..

நிர்ஜித்ய நீரஜாதம்ʼ நிகிலம்ʼ முரவைரிஸுந்தரி முகேன .
ஆஸனமாகலிதம்ʼ தே நூனம்ʼ பத்மாஸனாஸி தேனைவ ..

த்வத்வதநாபிபவோத்யத்தாபாதிஶயம்ʼ திவாநிஶம்ʼ பத்மம் .
அம்பஸி வாஸம்ʼ குருதே நூனம்ʼ தஸ்யாபனோதனாயாப்ஜே ..

ஸந்ததமித்ரவிரோதீ தோஷாஸக்த꞉ கலங்கவானிந்து꞉ .
தவ வதனேன கதம்ʼ வா கமலே கல்யாணகுணபுவா துல்ய꞉ ..

தேவி தவானனசந்த்ரப்ரஸாதபிக்ஷாடனேன ராஜாபி .
பூர்ணஶ்சந்த்ரிகயாஹோ ஜீவஞ்ஜீவஸ்ய த்ருʼப்திமாதனுதே ..

த்வத்கண்டகாந்திபாக்யம்ʼ த்ருʼஷ்ட்வா ஶங்காஸ்ஸஹஸ்ரஶோ தேவி .
தல்லாபாய பயோதேரந்தம்ʼ கத்வா சிரம்ʼ தபஸ்யந்தி ..

கண்டேன தே ஹ்ருʼதஶ்ரீ꞉ கமலே விமலோ(அ)பி ஸந்ததம்ʼ கம்பு꞉ .
குமுகுமுனினதவ்யாஜாத் க்ரோஶதி ராஜ்ஞாம்ʼ புர꞉ ஸமயதர்ஶீ ..

த்வத்கண்டகாந்திஜனிதம்ʼ பஞ்ஜனமாக்யாதுமுத்யதா ஜலஜா꞉ .
விஸ்த்ருʼதஜனஶப்ததயா பத்மின்யாம்ரேடயந்தி பம்ʼ பமிதி ..

கம்புப்ரமேண கண்டம்ʼ சக்ரப்ராந்த்யா நிதம்பபிம்பமபி .
பரிம்ருʼஶதி தே கராப்யாம்ʼ பதிரதிதுர்பேதஶங்கசக்ராப்யாம் ..

பாஹூ ஶிரீஷமாலாமார்தவகீதந்துமர்தனே ராஹூ .
ஸேதூ ஸமக்ரஶோபாஸிந்தோர்மன்யே ஸமுத்ரகன்யே தே ..

அதிஸுரபி꞉ கரபத்மோ வாஞ்சிததானைர்ன கேவலம்ʼ கந்தை꞉ .
வாரிதிபுத்ரி வதான்யம்ʼ கவிமுக்தம்ʼ தேவி கல்பமாதனுதே ..

தேவி கரேண பவத்யா தத்தஸமஸ்தேப்ஸிதேன பக்தானாம் .
ஸ்பர்ஶனதூரீகரணம்ʼ ஸோதரகீர்வாணஶாகிநாமுசிதம் ..

தேவி தவானனபாஸா பரிபூத꞉ பர்வசந்த்ரமா நூனம் .
தேன ஹி ஶஶ்வத் பரிதிவ்யாஜப்ராகாரமத்யமத்யாஸ்தே ..

பத்மகுலம்ʼ பரிபூதம்ʼ பத்மே த்வத்பாணிபத்மராகேண .
தத்ப்ரேஷிதம்ʼ ஸதைகம்ʼ த்வத்பாணிம்ʼ ஸேவதே ஸரோஜாதம் ..

அனுதினமர்காபிமுகம்ʼ வனபுவி ஶைவாலவல்கலம்ʼ கமலம் .
தப்த்வா தபோ(அ)திதீவ்ரம்ʼ ப்ராபத் த்வத்பாணிபத்மஸாதர்ம்யம் ..

ஹாரா விபாந்தி கௌரா ஹரிதயிதே தே முகோடுராஜஸ்ய .
ஸேவார்தமாகதானாம்ʼ தாராணாமிவ கணா꞉ புரோகாணாம் ..

ஹாரலதா தப பத்மே ஸுகுமாரஸ்யாங்கபூகுமாரஸ்ய .
க்ரீடாம்ருʼணாலடோலஶங்காம்ʼ நாங்க்ரூரயத்யஸௌ கஸ்ய ..

தவ குசகிரிதடவாஸீ க்ருʼதரோமாளீனகன்யகாஸ்னான꞉ .
கஶ்சன முக்தாஹாரோ யோகீவாபாதி நித்யஶுத்தாத்மா ..

உன்னதிமுரோஜயுக்மே பத்மே த்ருʼஷ்டைவ பர்வதாஸ்த்ரபயா .
உததௌ சிரம்ʼ நிலீனா பீத்யா ஶக்ராதிதி ப்ரதாமாத்ரம் ..

தவ குசகும்பத்வந்த்வே பத்தஸ்பர்தானி டாடிமபலானி .
துலனாஹீனா꞉ கீராஸ்துண்டைரேதானி கண்டயந்த்யப்ஜே ..

கோதண்டஸ்ய புராரேருத்தண்டஸ்யாபி ஹந்த பாணஸ்ய .
கவலீகுருதே மானம்ʼ புகலீ குசயோஸ்தவேந்திரே யுகபத் ..

ஸந்ததமுக்தாஹாராவபி தவ பீனௌ பயோதரௌ பாத꞉ .
தேன கதம்ʼ பீனத்வம்ʼ தேவி பவேத்ராத்ரிபோஜனே மானம் ..

கனகமஹீகரகௌரவகபலீகரணாதிவாதிபீனமபி .
முக்தாஹாரவதாஸ்தே ஸ்தனயுகலம்ʼ தேவி தாவகம்ʼ சித்ரம் ..

இதி கில தர்ஶனரீதி꞉ கார்யமுபாதானகாரணாபித்ரம் .
தேவி தவ ஸ்தனகும்பௌ சக்ராபின்னௌ கதம்ʼ ந த்ருʼஶ்யேதே ..

கலயதி தண்ட꞉ கலஶம்ʼ ஸர்வைர்பஹுஶ꞉ ஶ்ருதம்ʼ ச த்ருʼஷ்டம்ʼ ச .
ஜனனி தவ ஸ்தனகலஶோ ஜனயதி மதுவைரிமானதண்டமஹோ ..

ஸர்வாரீணாம்ʼ ஜேதா துர்வாரேணைவ தேவி சக்ரேண .
ஹந்த கதம்ʼ தே விஜித꞉ காந்தோ வக்ஷோருஹாத்மசக்ரேண ..

கல்லோலினீஶகன்யே கலயே ரோமாவலிப்ரபேதேன .
தவ காந்திவார்திமத்யே நவஜலதஶ்யாமகோ ஹரி꞉ ஶேதே ..

நாமீஸரோவனாந்த꞉ க்ரீடன்மதனத்விபாதிபோத்க்ஷிதாம் .
ஶைவாலவல்லரீம்ʼ தே ரோமலதாம்ʼ தேவி கதயந்தி ..

மத்ய꞉ ப்ரதமம்ʼ மானம்ʼ மஹிதகுணௌகஸ்தவானுமானமபி .
வபுரப்யுபமிதிஶப்தம்ʼ தூரீகுருதே(அ)ம்ப கேன வர்ண்யாஸி ..

தவ குசகும்பஸ்ய குரோரந்தேவாஸீ விவேகஹீனஸ்ய .
தர்ஶனயோக்யோ நாபூன்மத்யஸ்தே தேவி நாஸ்திவாதரத꞉ ..

ப்ரத்யக்ஷாவிஷயத்வாததிரிக்தத்வாதனங்கஜனகத்வாத் .
தேவி வலிஶ்ரீபஜனான்மத்யஸ்தே காந்தவிப்ரமம்ʼ தனுதே ..

சிந்தாமணிவாதஸ்தே கரயோர்த்தஶி காமஶாஸ்த்ரவாதோ(அ)ப்ஜே .
மத்யே மாயாவாதோ கௌரவவாத꞉ பயோதரத்வந்த்வே ..

மஹதணுபரிமாணகதம்ʼ விஶ்ராந்தம்ʼ தேவி தாரதம்யம்ʼ தே .
வக்ஷோருஹே ச மத்யே ந வ்யோமாதௌ ந சாபி பரமாணௌ ..

கடினாத்மாக꞉ குருதே ஸர்வம்ʼ கமலே க்ருʼதம்ʼ ஸநாமிகதம் .
த்ருʼஷ்டமிதீதமுரோஜே மத்யம்ʼ க்ருʼஶமேவ குர்வதி ஸ்பஷ்டம் ..

துங்கபயோதரஶைலத்வந்த்வோத்வஹனேன ஸந்ததம்ʼ தேவி .
பஶ்யாமி கார்யமுசிதம்ʼ மத்யஸ்ய ஶ்ரீமதோ(அ)பி தே மாத꞉ ..

தவ ரோமராஜியமுனாநித்யஸ்பீதே(அ)பி மத்யதேஶே(அ)ஸ்மின் .
க்ஷாமகதா கதமப்ஜே நாபீஸரஸீபரிஷ்க்ருʼதே(அ)பி ஸதா ..

ரோமாலியூபதண்டே சிதபஶும்ʼ பத்துமம்ப தே பத்யு꞉ .
ஸம்பாதிதேவ ரஶனா த்ரிவலிமிஷேணாங்கஜன்மனாத்வரிணா ..

ஆபாதி நாபிரப்ஜே தவ தனுஜனுஷா நிஷாதவீரேண .
பாதயிதும்ʼ ஹரிசித்தம்ʼ மத்தபம்ʼ ஸம்ப்ருʼதோ யதா கர்த꞉ ..

ஶங்கே தவாம்ப நாபிம்ʼ ஶம்பரரிபுணா விஜித்ய தைத்யாரிம் .
ரோமாளிநீலரத்னஸ்தம்பனிகாதாய ஸம்ப்ருʼதம்ʼ வப்ரம் ..

நிவஸந்தி யே(அ)திகாஞ்சி ப்ராய꞉ ஶுத்தா பவந்தி தே முக்தா꞉ .
இதி மணிரஶநாம்ʼ விகஸன்முக்தாவல்யாம்ப தர்ஶயஸ்யத்தா ..

அவனதமௌலிரியம்ʼ த்வாமஞ்ஜலிமபினீய குஸுமகோஶமிஷாத் .
ரம்பா தவோருவிஜிதா ஸம்பாவயதீதி மே தர்க꞉ ..

கும்பீந்த்ரகும்பவ்ருʼத்தம்ʼ ஜானுத்வந்த்வம்ʼ தவாப்ரதித்வந்த்வம் .
ஹந்த ஹரேரபி தைர்யம்ʼ ஹரதே துர்தர்ஷமப்திராஜஸுதே ..

ஜங்கா நிஷங்கஶங்காமங்கூரயத்யங்கஜேன்மனோ தேவி .
தத் கலு ததக்ரபாகே பஶ்சஶரஸ்பூர்திமங்குலிவ்யாஜாத் ..

தவ பதபாவ꞉ ப்ராப்தஸ்தாமரஸேனேதி நாத்ர ஸந்தேஹ꞉ .
கதமன்யதா ஸ யோகோ பாவீ காந்தேன ஹம்ʼஸகேனாப்ஜே ..

பாததலே பரித்ருʼஶ்யம்ʼ பத்மே ரேகாத்மனா ஸ்வயம்ʼ கூடம் .
தவ சரணஶ்ரீமிக்ஷாசரணம்ʼ விததாதி ஸஜ்யமம்புருஹம் ..

அர்கோ(அ)பி யஸ்ய பஜநாதஜனி ஶ்ரீமானனேன ஜனிதஶ்ரீ꞉ .
பத்மம்ʼ கதம்ʼ நு துலநாமர்ஹதி பாதேன தாவகேனாப்ஜே ..

ஜலஜம்ʼ க்ருʼதஸங்கோசம்ʼ த்விஜராஜஸ்தாபி தர்ஶனே தேவி .
மானிதமதுபம்ʼ ஶிரஸா கதமதிரோஹேத் பதேன தே துலனாம் ..

ஸாம்ராஜ்யே(அ)ம்புருஹாணாம்ʼ தவ பதமீடே(அ)பிஷிச்யமானமிவ .
ஜாதிஸ்ம்ருʼதாம்ʼ ஜனானாம்ʼ ஹேது꞉ ஸஞ்சிந்திதார்தஸித்தீனாம் ..

மதனதரீஜனகபரீநலினைருத்யன்மரந்தஸம்ʼஸாரே .
பாது பராக்ருʼதபத்மம்ʼ மாதுர்ஜகதாம்ʼ பதாம்புஜாதம்ʼ மாம் ..

ஸம்பாவிதாபசாரம்ʼ ஜ்ஞானாஜ்ஞானாத்தவ ஸ்துதிவ்யாஜாத் .
தேவி ஸஹஸ்வ தயாலோ தேஹி மம ஶ்ரீபதௌ பராம்ʼ பக்திம் ..

ஜகதி க்யாதிரஶேஷாத்த்வகுலேயேதி ஸர்வஸித்தாந்தம் .
ஜனனி கதம்ʼ தே க்யாதேருத்பத்தி꞉ ஶ்ரூயதே புராணாதௌ ..

யஜ்ஞவராஹ꞉ ஶ்ரீமான் வாதூலம்பாலஜோ தீமான் .
லக்ஷ்மீ ஶதகமதானீதக்ஷீணானந்தகந்தலீகந்தம் ..

Ramaswamy Sastry and Vighnesh Ghanapaathi

Other stotras