కవిత్వ దాయక సరస్వతీ స్తోత్రం

శారదాం శ్వేతవర్ణాం చ శుభ్రవస్త్రసమన్వితాం .
కమలాసనసంయుక్తాం వందేఽహం కవితాప్రియాం ..

సరస్వత్యై నమస్తుభ్యం వరదే జ్ఞానరూపిణి .
కలానిధిం కవిత్వస్య దేహి మే శుభదాయిని ..

సారదే శారదే దేవి సుశ్వేతాబ్జాసనే ప్రియే .
శుభ్రవర్ణే సదా త్వాం చ హృది మే చింతయామ్యహం ..

వీణానినాదమధురే వీణాపుస్తకధారిణి .
కవిత్వం దేహి మే మాతః పతామి తవ పాదయోః ..

యదనుగ్రహతో హ్యేష కవితావారిధిః సదా .
భవేత్సంప్రాప్తసిద్ధిర్మే తస్యై తుభ్యం నమో నమః ..

కావ్యవిద్యాప్రకాశార్థం నమామి విధివల్లభే .
విద్యాం దేహి కవీశాని మాతరత్యంతికాం శుభాం ..

ఇతి యః స్తౌతి తాం నిత్యం సరసాం సుకవిప్రియాం .
కవిత్వం సమవాప్నోతి యశః ప్రాప్నోతి జీవనే ..

Ramaswamy Sastry and Vighnesh Ghanapaathi

Other stotras