ಕಮಲಾ ಸ್ತೋತ್ರ

ಸರ್ವವೇದಾಗಮಜ್ಞಾನಪಾರಗಾಂ ಪರಮೇಶ್ವರೀಂ|
ದುಷ್ಟಕಷ್ಟಪ್ರದಾಂ ವಂದೇ ಕಮಲಾಮಿಷ್ಟಸಿದ್ಧಿದಾಂ|
ನಿಧೀನಾಂ ಸ್ವಾಮಿನೀಂ ನಿತ್ಯಾಂ ವಿಷ್ಣುವಕ್ಷಃಸ್ಥಲಸ್ಥಿತಾಂ|
ಶಿಷ್ಟಸೌಖ್ಯಪ್ರದಾಂ ವಂದೇ ಕಮಲಾಮಿಷ್ಟದೇವತಾಂ|
ಭಕ್ತಿಸಾಧ್ಯಾಂ ಭವಾರಾಧ್ಯಾಮಕ್ಷಯಾಂ ಧನದಾಯಿನೀಂ|
ಸುರಾಽಸುರಾಽಽನತಾಂ ವಂದೇ ಕಮಲಾಂ ಸುಂದರಾನನಾಂ|
ಶೇಷನಾಗೇ ಶಯಾನಸ್ಯ ದಯಿತಾಂ ಜಗತಾಂ ಪತೇಃ|
ಕ್ಷೀರಾಬ್ಧಿತನಯಾಂ ವಂದೇ ಕಮಲಾಂ ಶ್ರೀಹರಿಪ್ರಿಯಾಂ|
ಭಕ್ತಹೃದ್ವ್ಯೋಮಮಧ್ಯಸ್ಥಾಂ ಸಿದ್ಧಿಬುದ್ದ್ಯೃದ್ಧಿದಾಯಿನೀಂ|
ವಿಷ್ಣುಹೃನ್ಮಂದಿರಾಂ ವಂದೇ ಕಮಲಾಮಿಂದಿರಾಂ ರಮಾಂ|
ಕಮಲಾಪಂಚಕಸ್ತೋತ್ರರಾಜೋ ನಿತ್ಯಂ ಹಿ ಪಠ್ಯತಾಂ|
ಸುಜನೈರ್ವಿಷ್ಣುಭಕ್ತೈಶ್ಚ ಭಕ್ತಿಜ್ಞಾನಧನಾಪ್ತಯೇ|

Ramaswamy Sastry and Vighnesh Ghanapaathi

Other stotras