హనుమద్ రక్షా కవచం

ప్రణమ్య శ్రీగణేశం చ శ్రీరామం మారుతిం తథా .
రక్షామిమాం పఠేత్ప్రాజ్ఞః శ్రద్ధాభక్తి సమన్వితః ..
శిరో మే హనుమాన్ పాతు భాలం పవననందనః .
ఆంజనేయో దృశౌ పాతు రామచంద్రప్రియశ్రుతీ ..
ఘ్రాణం పాతు మహావీరో ముఖం లక్ష్మణప్రాణదః .
జిహ్వాం మనోజవః పాతు కంఠం పాతు జితేంద్రియః ..
స్కంధౌ మహాబలీ పాతు భుజౌ సంకటమోచనః .
కరౌ విశ్వంభరః పాతు హృదయం సర్వశక్తిమాన్ ..
మధ్యం పాతు మహాతేజాః నాభిం సాగరలంఘనః .
రామదూతః కటీ పాతు సక్థినీ రాక్షసేంద్రజిత్ ..
ఊరూ పుచ్ఛబలః పాతు భీమగర్వాపహారకః .
జానునీ శ్రీప్రదః పాతు జంఘే లంకాప్రదాహకః ..
పాదౌ శ్రీరామభక్తశ్చ సూర్యమండలభక్షకః .
హనుమాన్ పాతు మే కాయం మకరధ్వజ జన్మదః ..
ఏతాం రుద్రబలోపేతాం రక్షాం యః సుకృతీ పఠేత్ .
సదీర్ఘాయుసుఖీ పుత్రీ బలవాన్ బుద్ధిమాన్ భవేత్ ..

Ramaswamy Sastry and Vighnesh Ghanapaathi

Other stotras