ഹനുമദ് രക്ഷാ കവചം

പ്രണമ്യ ശ്രീഗണേശം ച ശ്രീരാമം മാരുതിം തഥാ .
രക്ഷാമിമാം പഠേത്പ്രാജ്ഞഃ ശ്രദ്ധാഭക്തി സമന്വിതഃ ..
ശിരോ മേ ഹനുമാൻ പാതു ഭാലം പവനനന്ദനഃ .
ആഞ്ജനേയോ ദൃശൗ പാതു രാമചന്ദ്രപ്രിയശ്രുതീ ..
ഘ്രാണം പാതു മഹാവീരോ മുഖം ലക്ഷ്മണപ്രാണദഃ .
ജിഹ്വാം മനോജവഃ പാതു കണ്ഠം പാതു ജിതേന്ദ്രിയഃ ..
സ്കന്ധൗ മഹാബലീ പാതു ഭുജൗ സങ്കടമോചനഃ .
കരൗ വിശ്വംഭരഃ പാതു ഹൃദയം സർവശക്തിമാൻ ..
മധ്യം പാതു മഹാതേജാഃ നാഭിം സാഗരലംഘനഃ .
രാമദൂതഃ കടീ പാതു സക്ഥിനീ രാക്ഷസേന്ദ്രജിത് ..
ഊരൂ പുച്ഛബലഃ പാതു ഭീമഗർവാപഹാരകഃ .
ജാനുനീ ശ്രീപ്രദഃ പാതു ജംഘേ ലങ്കാപ്രദാഹകഃ ..
പാദൗ ശ്രീരാമഭക്തശ്ച സൂര്യമണ്ഡലഭക്ഷകഃ .
ഹനുമാൻ പാതു മേ കായം മകരധ്വജ ജന്മദഃ ..
ഏതാം രുദ്രബലോപേതാം രക്ഷാം യഃ സുകൃതീ പഠേത് .
സദീർഘായുസുഖീ പുത്രീ ബലവാൻ ബുദ്ധിമാൻ ഭവേത് ..

Ramaswamy Sastry and Vighnesh Ghanapaathi

Other stotras