ಹನುಮದ್ ರಕ್ಷಾ ಕವಚ

ಪ್ರಣಮ್ಯ ಶ್ರೀಗಣೇಶಂ ಚ ಶ್ರೀರಾಮಂ ಮಾರುತಿಂ ತಥಾ .
ರಕ್ಷಾಮಿಮಾಂ ಪಠೇತ್ಪ್ರಾಜ್ಞಃ ಶ್ರದ್ಧಾಭಕ್ತಿ ಸಮನ್ವಿತಃ ..
ಶಿರೋ ಮೇ ಹನುಮಾನ್ ಪಾತು ಭಾಲಂ ಪವನನಂದನಃ .
ಆಂಜನೇಯೋ ದೃಶೌ ಪಾತು ರಾಮಚಂದ್ರಪ್ರಿಯಶ್ರುತೀ ..
ಘ್ರಾಣಂ ಪಾತು ಮಹಾವೀರೋ ಮುಖಂ ಲಕ್ಷ್ಮಣಪ್ರಾಣದಃ .
ಜಿಹ್ವಾಂ ಮನೋಜವಃ ಪಾತು ಕಂಠಂ ಪಾತು ಜಿತೇಂದ್ರಿಯಃ ..
ಸ್ಕಂಧೌ ಮಹಾಬಲೀ ಪಾತು ಭುಜೌ ಸಂಕಟಮೋಚನಃ .
ಕರೌ ವಿಶ್ವಂಭರಃ ಪಾತು ಹೃದಯಂ ಸರ್ವಶಕ್ತಿಮಾನ್ ..
ಮಧ್ಯಂ ಪಾತು ಮಹಾತೇಜಾಃ ನಾಭಿಂ ಸಾಗರಲಂಘನಃ .
ರಾಮದೂತಃ ಕಟೀ ಪಾತು ಸಕ್ಥಿನೀ ರಾಕ್ಷಸೇಂದ್ರಜಿತ್ ..
ಊರೂ ಪುಚ್ಛಬಲಃ ಪಾತು ಭೀಮಗರ್ವಾಪಹಾರಕಃ .
ಜಾನುನೀ ಶ್ರೀಪ್ರದಃ ಪಾತು ಜಂಘೇ ಲಂಕಾಪ್ರದಾಹಕಃ ..
ಪಾದೌ ಶ್ರೀರಾಮಭಕ್ತಶ್ಚ ಸೂರ್ಯಮಂಡಲಭಕ್ಷಕಃ .
ಹನುಮಾನ್ ಪಾತು ಮೇ ಕಾಯಂ ಮಕರಧ್ವಜ ಜನ್ಮದಃ ..
ಏತಾಂ ರುದ್ರಬಲೋಪೇತಾಂ ರಕ್ಷಾಂ ಯಃ ಸುಕೃತೀ ಪಠೇತ್ .
ಸದೀರ್ಘಾಯುಸುಖೀ ಪುತ್ರೀ ಬಲವಾನ್ ಬುದ್ಧಿಮಾನ್ ಭವೇತ್ ..

Ramaswamy Sastry and Vighnesh Ghanapaathi

Other stotras