கணபதி வஜ்ர பஞ்ஜர கவசம்

மஹாதேவி கணேஶஸ்ய வரதஸ்ய மஹாத்மன꞉ .
கவசம்ʼ தே ப்ரவக்ஷ்யாமி வஜ்ரபஞ்ஜரகாபிதம் ..

ௐ அஸ்ய ஶ்ரீமஹாகணபதிவஜ்ரபஞ்ஜரகவசஸ்ய . ஶ்ரீபைரவ ருʼஷி꞉ .
காயத்ரீ சந்த꞉ . ஶ்ரீமஹாகணபதி தேவதா . கம்ʼ பீஜம் . ஹ்ரீம்ʼ ஶக்தி꞉ .
குரு குரு கீலகம் . வஜ்ரவித்யாதிஸித்த்யர்தே மஹாகணபதிவஜ்ரபஞ்ஜரகவசபாடே விநியோக꞉ ..

ஶ்ரீபைரவர்ஷயே நம꞉ ஶிரஸி . காயத்ரச்சந்தஸே நமோ முகே .
ஶ்ரீமஹாகணபதிதேவதாயை நமோ ஹ்ருʼதி . கம்ʼ பீஜாய நமோ குஹ்யே .
ஹ்ரீம்ʼஶக்தயே நமோ நாபௌ . குரு குரு கீலகாய நம꞉ பாதயோ꞉ .
வஜ்ரவித்யாதிஸித்த்யர்தே மஹாகணபதிவஜ்ரபஞ்ஜரகவசபாடே விநியோகாய நம꞉ ஸர்வாங்கே ..

காம் அங்குஷ்டாப்யாம்ʼ நம꞉ . கீம்ʼ தர்ஜனீப்யாம்ʼ நம꞉ .
கூம்ʼ மத்யமாப்யாம்ʼ நம꞉ . கைம் அநாமிகாப்யாம்ʼ நம꞉ .
கௌம்ʼ கநிஷ்டிகாப்யாம்ʼ நம꞉ . க꞉ கரதலகரப்ருʼஷ்டாப்யாம்ʼ நம꞉ ..

காம்ʼ ஹ்ருʼதயாய நம꞉ . கீம்ʼ ஶிரஸே ஸ்வாஹா . கூம்ʼ ஶிகாயை வஷட் .
கைம்ʼ கவசாய ஹும் . கௌம்ʼ நேத்ரத்ரயாய வௌஷட் . க꞉ அஸ்த்ராய பட் ..

விக்னேஶம்ʼ விஶ்வவந்த்யம்ʼ ஸுவிபுலயஶஸம்ʼ லோகரக்ஷாப்ரதக்ஷம்ʼ
ஸாக்ஷாத்ஸர்வாபதாஸு ப்ரஶமனஸுமதிம்ʼ பார்வதீப்ராணஸூனும் .
ப்ராய꞉ ஸர்வாஸுரேந்த்ரை꞉ ஸஸுரமுனிகணை꞉ ஸாதகை꞉ பூஜ்யமானம்ʼ
காருண்யேனாந்தராயாமிதபயஶமனம்ʼ விக்னராஜம்ʼ நமாமி ..

ௐ ஶ்ரீம்ʼ ஹ்ரீம்ʼ கம்ʼ ஶிர꞉ பாது மஹாகணபதி꞉ ப்ரபு꞉ .
விநாயகோ லலாடம்ʼ மே விக்னராஜோ ப்ருவௌ மம ..

பாது நேத்ரே கணாத்யக்ஷோ நாஸிகாம்ʼ மே கஜானன꞉ .
ஶ்ருதீ மே(அ)வது ஹேரம்போ கண்டௌ மே மோதகாஶன꞉ ..

த்வைமாதுரோ முகம்ʼ பாது சாதரௌ பாத்வரிந்தம꞉ .
தந்தான்மமைகதந்தோ(அ)வ்யாத்வக்ரதுண்டோ(அ)வதாத்ரஸாம் ..

காங்கேயோ மே கலம்ʼ பாது ஸ்கந்தௌ ஸிம்ʼஹாஸனோ(அ)வது .
விக்னாந்தகோ புஜௌ பாது ஹஸ்தௌ மூஷகவாஹன꞉ ..

ஊரூ மமாவதாந்நித்யம்ʼ தேவஸ்த்ரிபுரகாதன꞉ .
ஹ்ருʼதயம்ʼ மே குமாரோ(அ)வ்யாஜ்ஜயந்த꞉ பார்ஶ்வயுக்மகம் ..

ப்ரத்யும்னோ மே(அ)வதாத்ப்ருʼஷ்டம்ʼ நாபிம்ʼ ஶங்கரநந்தன꞉ .
கடிம்ʼ நந்திகண꞉ பாது ஶிஶ்னம்ʼ விஶ்வேஶ்வரோ(அ)வது ..

மேட்ரே மே(அ)வது ஸௌபாக்யோ ப்ருʼங்கிரீடீ ச குஹ்யகம் .
விராடகோ(அ)வதாதூரூ ஜானூ மே புஷ்பதந்தக꞉ ..

ஜங்கே மம விகர்தோ(அ)வ்யாத்குல்பாவந்த்யகணோ(அ)வது .
பாதௌ சித்தகண꞉ பாது பாதாதோ லோஹிதோ(அ)வது ..

பாதப்ருʼஷ்டம்ʼ ஸுந்தரோ(அ)வ்யாந்நூபுராட்யோ வபுர்மம .
விசாரோ ஜடரம்ʼ பாது பூதானி சோக்ரரூபக꞉ ..

ஶிரஸ꞉ பாதபர்யந்தம்ʼ வபு꞉ ஸப்தகணோ(அ)வது .
பாதாதிமூர்தபர்யந்தம்ʼ வபு꞉ பாது வினர்தக꞉ ..

விஸ்மாரிதம்ʼ து யத்ஸ்தானம்ʼ கணேஶஸ்தத்ஸதா(அ)வது .
பூர்வே மாம்ʼ ஹ்ரீம்ʼ கராலோ(அ)வ்யாதாக்னேயே விகராலக꞉ ..

தக்ஷிணே பாது ஸம்ʼஹாரோ நைர்ருʼதே ருருபைரவ꞉ .
பஶ்சிமே மாம்ʼ மஹாகாலோ வாயௌ காலாக்னிபைரவ꞉ ..

உத்தரே மாம்ʼ ஸிதாஸ்யோ(அ)வ்யாதைஶான்யாமஸிதாத்மக꞉ .
ப்ரபாதே ஶதபத்ரோ(அ)வ்யாத்ஸஹஸ்ராரஸ்து மத்யமே ..

தந்தமாலா தினாந்தே(அ)வ்யாந்நிஶி பாத்ரம்ʼ ஸதா(அ)வது .
கலஶோ மாம்ʼ நிஶீதே(அ)வ்யாந்நிஶாந்தே பரஶுஸ்ததா .
ஸர்வத்ர ஸர்வதா பாது ஶங்கயுக்மம்ʼ ச மத்வபு꞉ ..

ௐ ௐ ராஜகுலே ஹௌம்ʼ ஹௌம்ʼ ரணபயே ஹ்ரீம்ʼ ஹ்ரீம்ʼ குத்யூதே(அ)வதாத்
ஶ்ரீம்ʼ ஶ்ரீம்ʼ ஶத்ருக்ருʼஹே ஶௌம்ʼ ஶௌம்ʼ ஜலபயே க்லீம்ʼ க்லீம்ʼ வனாந்தே(அ)வது .
க்லௌம்ʼ க்லூம்ʼ க்லைம்ʼ க்லம்ʼ கும்ʼ ஸத்த்வபீதிஷு மஹாவ்யாத்யார்திஷு க்லௌம்ʼ கம்ʼ கௌம்ʼ
நித்யம்ʼ யக்ஷபிஶாசபூதபணிஷு க்லௌம்ʼ கம்ʼ கணேஶோ(அ)வது ..

இதீதம்ʼ கவசம்ʼ குஹ்யம்ʼ ஸர்வதந்த்ரேஷு கோபிதம் .
வஜ்ரபஞ்ஜரநாமானம்ʼ கணேஶஸ்ய மஹாத்மன꞉ ..

அங்கபூதம்ʼ மனுமயம்ʼ ஸர்வாசாரைகஸாதனம் .
வினானேன ந ஸித்தி꞉ ஸ்யாத்பூஜனஸ்ய ஜபஸ்ய ச ..

தஸ்மாத்து கவசம்ʼ புண்யம்ʼ படேத்வா தாரயேத்ஸதா .
தஸ்ய ஸித்திர்மஹாதேவி கரஸ்தா பாரலௌகிகீ ..

யம்ʼ யம்ʼ காமயதே காமம்ʼ தம்ʼ தம்ʼ ப்ராப்னோதி பாடத꞉ .
அர்தராத்ரே படேந்நித்யம்ʼ ஸர்வாபீஷ்டபலம்ʼ லபேத் ..

இதி குஹ்யம்ʼ ஸுகவசம்ʼ மஹாகணபதே꞉ ப்ரியம் .
ஸர்வஸித்திமயம்ʼ திவ்யம்ʼ கோபயேத்பரமேஶ்வரி ..

Ramaswamy Sastry and Vighnesh Ghanapaathi

Other stotras