ആദിപരാശക്തിയുടെ പത്ത് സ്വരൂപങ്ങളാണല്ലോ ദശമഹാവിദ്യകൾ. ദേവീ ഉപാസകരുടെ ശരീരത്തിൽ പത്ത് ഇടങ്ങളിലായി നിലകൊണ്ട് ഇവർ സാധനയേയും ആത്മീയ ഉന്നമനത്തേയും സഹായിക്കുന്നു.

മനുഷ്യശരീരത്തിൽ നവദ്വാരങ്ങൾ (ഒമ്പത് ദ്വാരങ്ങൾ) ആണുള്ളത്. ഒമ്പത് കവാടങ്ങളെപ്പോലെ ശരീരം പുറംലോകവുമായി വിനിമയം നടത്തുന്നത് ഈ ഒമ്പത് ദ്വാരങ്ങളിലൂടെയാണ്. കാതുകളിലൂടെ ശബ്ദം അകത്തേക്ക് പ്രവേശിക്കുന്നു. കണ്ണുകളിലൂടെ ദൃശ്യങ്ങൾ അകത്തേക്ക് പ്രവേശിക്കുന്നു. കാതുകളിലൂടെയും കണ്ണുകളിലൂടെയുമാണ് നമ്മൾ അറിവും ജ്ഞാനവും നേടുന്നതും നമുക്ക് പരിസരബോധം ഉണ്ടാകുന്നതും. വായിലൂടെ ശബ്ദം പുറത്തേക്കു വരുന്നു. വാക്കുകളിലൂടെയാണ് നമ്മൾ നമ്മുടെ വിചാരങ്ങളെ മറ്റുള്ളവരിലേക്ക് എത്തിക്കുന്നത്. ശരീരപോഷണത്തിന് വേണ്ട ഭക്ഷണം അകത്തേക്ക് പോകുന്നതും വായിലൂടെയാണ്. നാസാദ്വാരങ്ങളിലൂടെ പ്രാണവായു അകത്തേക്കും പുറത്തേക്കും പോകുന്നു. വിസർജനേന്ദ്രിയത്തിലൂടെ ശരീരത്തിന് ഹാനികരമായ മാലിന്യങ്ങൾ പുറംതള്ളപ്പെടുന്നു. ജനനേന്ദ്രിയത്തിലൂടെ പ്രത്യുത്പ്പാദനത്തിന് ആവശ്യമായ ബീജം പുറത്തേക്ക് വരുന്നു.

കാളി, താര, ത്രിപുരസുന്ദരി, ഭുവനേശ്വരി, ധൂമാവതി, മാതംഗി, ബഗളാമുഖി, ഭൈരവി, കമല, ഛിന്നമസ്ത - എന്നിവരാണ് ദശമഹാവിദ്യകൾ.

കാളി വലത്തെ കാതിലും താര ഇടത്തെ കാതിലും നിലകൊണ്ട് സാധകൻ എന്തെല്ലാം കേൾക്കണം എന്നതിനെ നിയന്ത്രിക്കുന്നു.

ത്രിപുരസുന്ദരി വലത്തെ കണ്ണിലും ഭുവനേശ്വരി ഇടത്തെ കണ്ണിലും നിലകൊണ്ട് സാധകൻ എന്തെല്ലാം കാണണം എന്നതിനെ നിയന്ത്രിക്കുന്നു.

വലത്തെ നാസാദ്വാരത്തിൽ ധൂമാവതിയും ഇടത്തെ നാസാദ്വാരത്തിൽ മാതംഗിയും നിലകൊണ്ട് ശരിയായ അളവിൽ പ്രാണവായുവിന്‍റെ സഞ്ചാരത്തെ നിയന്ത്രിച്ച് ശരീരത്തിന് വേണ്ട ഊർജ്ജം പ്രദാനം ചെയ്യുന്നു.

ബഗളാമുഖി വായിൽ നിലകൊണ്ട് സാധകന്‍റെ വാക്കുകളേയും ഭക്ഷണക്രമത്തേയും നിയന്ത്രിക്കുന്നു.

വിസർജ്ജനേന്ദ്രിയത്തിൽ നിലകൊണ്ട് ഭൈരവി (ദേവിക്ക് ഗുഹ്യവാസിനി എന്നൊരു പേരുണ്ട്) ശരീരത്തിലേയും മനസ്സിലേയും മാലിന്യങ്ങളെ പുറംതള്ളുന്നതിനെ നിയന്ത്രിക്കുന്നു.

ജനനേന്ദ്രിയത്തിൽ നിലകൊള്ളുന്ന കമല, കാമവാസനകളെ നിയന്ത്രിക്കുന്നതിലും  ബ്രഹ്മചര്യം പാലിക്കുന്നതിലും സഹായിക്കുന്നു.

ബ്രഹ്മരന്ധ്രത്തിൽ നിലകൊള്ളുന്ന ഛിന്നമസ്ത സാധനയുടെ പരമോച്ചാവസ്ഥയിൽ  കുണ്ഡലിനീശക്തിയുടെ ഉദ്ഗമത്തിൽ സഹായിക്കുന്നു.

ദശമഹാവിദ്യകളുടെ സഹായത്തിലൂടെയാണ് സാധകൻ വിജയം കൈവരിക്കുന്നത്.

Knowledge Bank

വെള്ളപ്പാണ്ടിനും വിളർച്ചക്കും കാരണം

കർമ്മവിപാക സംഹിത പറയുന്നു - ദേവതകളുടെ ആരാധനയെ അവഗണിക്കുന്നത് വിളർച്ച, വെള്ളപ്പാണ്ട് തുടങ്ങിയ രോഗങ്ങൾക്ക് കാരണമാകും. ആത്മീയവും ശാരീരികവുമായ ആരോഗ്യം നിലനിർത്തുന്നതിൽ ഭക്തിയും സാധനയും ഒരു പ്രധാന പങ്ക് വഹിക്കുന്നു. ദൈവത്തെ ആരാധിക്കുന്നതിലൂടെ, നമ്മുടെ ജീവിതത്തിലേക്ക് പോസിറ്റീവ് ഊർജ്ജത്തെ ക്ഷണിക്കുകയും സമാധാനം, ഐക്യം, ക്ഷേമം എന്നിവ വളർത്തുകയും ചെയ്യാം. ദൈനംദിന ആരാധനയിൽ ഏർപ്പെടുന്നത് ദൈവവുമായുള്ള നമ്മുടെ ബന്ധം ശക്തിപ്പെടുത്തുകയും സന്തുലിതവും ആരോഗ്യകരവുമായ ജീവിതം ഉറപ്പാക്കുകയും ചെയ്യുന്നു. അതിനാൽ, ആത്മീയ പരിശീലനങ്ങൾക്കായി സമയം കണ്ടെത്തുകയും അവയെ നമ്മുടെ ദൈനംദിന ദിനചര്യയിൽ കൊണ്ടുവരികയും ചെയ്യേണ്ടത് പ്രധാനമാണ്, കാരണം അവ നമ്മുടെ ആത്മാവിനെ സമ്പന്നമാക്കുക മാത്രമല്ല, രോഗസാധ്യതയിൽ നിന്ന് നമ്മുടെ ശരീരത്തെ സംരക്ഷിക്കുകയും ചെയ്യുന്നു.

എന്താണ് ഭക്തിയുടെ സവിശേഷതകൾ?

1 ദുരിതങ്ങൾ നശിക്കുന്നു. 2. എല്ലാ മംഗളങ്ങളും ഉണ്ടാകുന്നു. 3. മോക്ഷത്തിനോട് വിമുഖത ഉണ്ടാകുന്നു. 4. ശുദ്ധമായ ഭക്തിഭാവം ഉണ്ടാകുന്നത് വളരെയേറെ ബുദ്ധിമുട്ടാണ്. 5. ആനന്ദപ്രാപ്തി. 6. ഭഗവാനെ തന്നിലേക്ക് ആകർഷിക്കുന്നു.