• സനാതന ധർമ്മം പ്രപഞ്ചസൃഷ്ടിക്കൊപ്പം തന്നെ ഉടലെടുത്തതാണ്.
• സനാതന ധർമ്മം ഏതെങ്കിലും പ്രവാചകനോ ഗുരുവോ സ്ഥാപിച്ചതല്ല.
• സനാതന ധർമ്മത്തിന്‍റെ ആധാരം വേദമാണ്.
• വേദം നിത്യവും അപൗരുഷേയവുമാണ് (ആരാലും രചിക്കപ്പെട്ടതല്ല).
• പ്രളയത്തിന് ശേഷവും വേദം നിലനിൽക്കും. സൃഷ്ടിയുടെ ആരംഭത്തിൽ പരമാത്മാവിന്‍റെ ഉച്ഛ്വാസരൂപത്തിൽ വേദം പ്രകടമാകും.
• സനാതന ധർമ്മത്തിൽ മതഭ്രാന്തില്ല. ഈ മാർഗത്തിലൂടെ മാത്രമേ ഉന്നമനം ഉണ്ടാകൂ എന്ന് സനാതന ധർമ്മം ശഠിക്കുന്നില്ല.
• മനുഷ്യന്‍റെ ചിന്താശക്തിയേയോ യുക്തിയേയോ സനാതന ധർമ്മം തടസ്സപ്പെടുത്തുന്നില്ല.
• ഒരു പ്രത്യേക ദൈവത്തെ ആരാധിക്കാനോ ഒരു പ്രത്യേക ആരാധനാ രീതി പിന്തുടരാനോ സനാതന ധർമ്മം നിർബന്ധിക്കുന്നില്ല.
• ചോദിച്ചറിയുന്നതിലൂടെയും മനനത്തിലൂടെയും കൂടുതൽ കൂടുതൽ അറിവ് നേടാൻ സനാതന ധർമ്മം പ്രേരിപ്പിക്കുന്നു.
• ഒരേ ചൈതന്യമാണ് എല്ലാരിലും കുടികൊള്ളുന്നത് എന്ന് ഉദ്‌ഘോഷിക്കുന്ന സനാതന ധർമ്മം അവിശ്വാസികളേയും അന്യമത വിശ്വാസികളെയും അപലപിക്കുന്നില്ല.

Knowledge Bank

യുയുത്സു

അദ്ദേഹം ഒരു വൈശ്യ സ്ത്രീയിൽ ധൃതരാഷ്ട്രരുടെ മകനായിരുന്നു. കൗരവരുടെ പട്ടികയിൽ ഉൾപ്പെട്ടിട്ടില്ല. കുരുക്ഷേത്രയുദ്ധസമയത്ത് യുയുത്സു പാണ്ഡവപക്ഷത്ത് ചേർന്നു. അദ്ദേഹം പരീക്ഷിത്തിൻ്റെ ഭരണത്തിന് മേൽനോട്ടം വഹിക്കുകയും ഉപദേശിക്കുകയും ചെയ്തു.

കേരളത്തിലെ ക്ഷേത്രങ്ങള്‍ സര്‍ക്കാര്‍ നിയന്ത്രണത്തിലായത് എങ്ങനെ?

ഇംഗ്ളണ്ടില്‍ പതിനാറാം നൂറ്റാണ്ടില്‍ നടപ്പിലായ ട്യൂഡര്‍ പരിഷ്കാരങ്ങള്‍ അനുസരിച്ച് ക്രിസ്തീയ ദേവാലയങ്ങള്‍ രാജഭരണത്തിന്‍റെ അധീനതയിലായി. 1810 നും 1819 നുമിടയില്‍ തിരുവിതാംകൂര്‍ - കൊച്ചി രാജ്യങ്ങളുടെ ബ്രിട്ടീഷ് അധികാരിയായിരുന്ന കേണല്‍ മണ്‍റോ ഇതിനെ അനുകരിച്ച് ക്ഷേത്രങ്ങളുടെ സ്വത്തുക്കള്‍ സര്‍ക്കാരിലേക്ക് കണ്ടുകെട്ടി. മലബാറിലെ ക്ഷേത്രങ്ങള്‍ ബ്രിട്ടീഷ് ഉദ്യോഗസ്ഥന്മാരുടെ ഭരണത്തിലുമായി. ആ കാലയളവില്‍ സര്‍ക്കാരിന്‍റെ മൂന്നിലൊരു ഭാഗം വരുമാനം ക്ഷേത്രങ്ങളുടെ വസ്തുവകകളില്‍ നിന്നാണ് വന്നിരുന്നത് എന്ന് കണക്കുകള്‍ സൂചിപ്പിക്കുന്നു.