अव्यादजोऽङ्घ्रिमणिमांस्तव जान्वथोरू
यज्ञोऽच्युतः कटितटं जठरं हयास्यः ।
हृत्केशवस्त्वदुर ईश इनस्तु कण्ठं
विष्णुर्भुजं मुखमुरुक्रम ईश्वरः कम् ।
चक्र्यग्रतः सहगदो हरिरस्तु पश्चात्
त्वत्पार्श्वयोर्धनुरसी मधुहाजनश्च ।
कोणेषु शङ्ख उरुगाय उपर्युपेन्द्र-
स्तार्क्ष्यः क्षितौ हलधरः पुरुषः समन्तात् ।
इन्द्रियाणि हृषीकेशः प्राणान्नारायणोऽवतु ।
श्वेतद्वीपपतिश्चित्तं मनो योगेश्वरोऽवतु ।
पृश्निगर्भस्तु ते बुद्धिमात्मानं भगवान्परः ।
क्रीडन्तं पातु गोविन्दः शयानं पातु माधवः ।
व्रजन्तमव्याद्वैकुण्ठ आसीनं त्वां श्रियः पतिः ।
भुञ्जानं यज्ञभुक्पातु सर्वग्रहभयङ्करः ।
डाकिन्यो यातुधान्यश्च कुष्माण्डा येऽर्भकग्रहाः ।
भूतप्रेतपिशाचाश्च यक्षरक्षोविनायकाः ।
कोटरा रेवती ज्येष्ठा पूतना मातृकादयः ।
उन्मादा ये ह्यपस्मारा देहप्राणेन्द्रियद्रुहः ।
स्वप्नदृष्टा महोत्पाता वृद्धा बालग्रहाश्च ये ।
सर्वे नश्यन्तु ते विष्णोर्नामग्रहणभीरवः ।

avyaadajo'nghrimanimaamstava jaanvathoroo
yajnyo'chyutah' kat'itat'am jat'haram hayaasyah' .
hri'tkeshavastvadura eesha inastu kant'ham
vishnurbhujam mukhamurukrama eeshvarah' kam .
chakryagratah' sahagado harirastu pashchaat
tvatpaarshvayordhanurasee madhuhaajanashcha .
koneshu shankha urugaaya uparyupendra-
staarkshyah' kshitau haladharah' purushah' samantaat .
indriyaani hri'sheekeshah' praanaannaaraayano'vatu .
shvetadveepapatishchittam mano yogeshvaro'vatu .
pri'shnigarbhastu te buddhimaatmaanam bhagavaanparah' .
kreed'antam paatu govindah' shayaanam paatu maadhavah' .
vrajantamavyaadvaikunt'ha aaseenam tvaam shriyah' patih' .
bhunjaanam yajnyabhukpaatu sarvagrahabhayankarah' .
d'aakinyo yaatudhaanyashcha kushmaand'aa ye'rbhakagrahaah' .
bhootapretapishaachaashcha yaksharakshovinaayakaah' .
kot'araa revatee jyesht'haa pootanaa maatri'kaadayah' .
unmaadaa ye hyapasmaaraa dehapraanendriyadruhah' .
svapnadri'sht'aa mahotpaataa vri'ddhaa baalagrahaashcha ye .
sarve nashyantu te vishnornaamagrahanabheeravah' .