विद्मा शरस्य पितरं पर्जन्यं शतवृष्ण्यम् ।
तेना ते तन्वे शं करं पृथिव्यां ते निषेचनं बहिष्टे अस्तु बालिति ॥१॥
विद्मा शरस्य पितरं मित्रं शतवृष्ण्यम् ।
तेना ते तन्वे शं करं पृथिव्यां ते निषेचनं बहिष्टे अस्तु बालिति ॥२॥
विद्मा शरस्य पितरं वरुणं शतवृष्ण्यम् ।
तेना ते तन्वे शं करं पृथिव्यां ते निषेचनं बहिष्टे अस्तु बालिति ॥३॥
विद्मा शरस्य पितरं चन्द्रं शतवृष्ण्यम् ।
तेना ते तन्वे शं करं पृथिव्यां ते निषेचनं बहिष्टे अस्तु बालिति ॥४॥
विद्मा शरस्य पितरं सूर्यं शतवृष्ण्यम् ।
तेना ते तन्वे शं करं पृथिव्यां ते निषेचनं बहिष्टे अस्तु बालिति ॥५॥
यदान्त्रेषु गवीन्योर्यद्वस्तावधि संश्रितम् ।
एवा ते मूत्रं मुच्यतां बहिर्बालिति सर्वकम् ॥६॥
प्र ते भिनद्मि मेहनं वर्त्रं वेशन्त्या इव ।
एवा ते मूत्रं मुच्यतां बहिर्बालिति सर्वकम् ॥७॥
विषितं ते वस्तिबिलं समुद्रस्योदधेरिव ।
एवा ते मूत्रं मुच्यतां बहिर्बालिति सर्वकम् ॥८॥
यथेषुका परापतदवसृष्टाधि धन्वनः ।
एवा ते मूत्रं मुच्यतां बहिर्बालिति सर्वकम् ॥९॥

vidma sharasya pitaram parjanyam shatavrishnyam .
tena te tanve sham karam prithivyam te nishechanam bahishte astu baliti ..1..
vidma sharasya pitaram mitram shatavrishnyam .
tena te tanve sham karam prithivyam te nishechanam bahishte astu baliti ..2..
vidma sharasya pitaram varunam shatavrishnyam .
tena te tanve sham karam prithivyam te nishechanam bahishte astu baliti ..3..
vidma sharasya pitaram chandram shatavrishnyam .
tena te tanve sham karam prithivyam te nishechanam bahishte astu baliti ..4..
vidma sharasya pitaram suryam shatavrishnyam .
tena te tanve sham karam prithivyam te nishechanam bahishte astu baliti ..5..
yadantreshu gavinyoryadvastavadhi samshritam .
eva te mutram muchyatam bahirbaliti sarvakam ..6..
pra te bhinadmi mehanam vartram veshantya iva .
eva te mutram muchyatam bahirbaliti sarvakam ..7..
vishitam te vastibilam samudrasyodadheriva .
eva te mutram muchyatam bahirbaliti sarvakam ..8..
yatheshuka parapatadavasrishtadhi dhanvanah .
eva te mutram muchyatam bahirbaliti sarvakam ..9..