अथोत्तरन्यासाः ।
ॐ ह्रीं हृदयाय नमः । ॐ चं शिरसे स्वाहा । ॐ डिं शिखायै वषट् । ॐ कां कवचाय हुम् । ॐ यैं नेत्रत्रयाय वौषट् । ॐ ह्रीं चण्डिकायै अस्त्राय फट् ।
ॐ खड्गिणी शूलिनी घोरा गदिनी चक्रिणी तथा ।
शङ्खिनी चापिनी बाणभुशुण्डीपरिघायुधा ।
हृदयाय नमः ।
ॐ शूलेन पाहि नो देवि पाहि खड्गेन चाम्बिके ।
घण्टास्वनेन नः पाहि चापज्यानिःस्वनेन च ।
शिरसे स्वाहा ।
ॐ प्राच्यां रक्ष प्रतीच्यां च चण्डिके रक्ष दक्षिणे ।
भ्रामणेनात्मशूलस्य उत्तरस्यां तथेश्वरी ।
शिखायै वषट् ।
ॐ सौम्यानि यानि रूपाणि त्रैलोक्ये विचरन्ति ते ।
यानि चात्यन्तघोराणि तै रक्षास्मांस्तथा भुवम् ।
कवचाय हुम् ।
ॐ खड्गशूलगदादीनि यानि चास्त्राणि तेऽम्बिके ।
करपल्लवसङ्गीनि तैरस्मान् रक्ष सर्वतः ।
नेत्रत्रयाय वौषट् ।
ॐ सर्वस्वरूपे सर्वेशे सर्वशक्तिसमन्विते ।
भयेभ्यस्त्राहि नो देवि दुर्गे देवि नमोऽस्तु ते ।
अस्त्राय फट् ।
भूर्भुवःसुवरोमिति दिग्विमोकः ।
ध्यानम् ।
विद्युद्दामसमप्रभां मृगपतिस्कन्धस्थितां भीषणां
कन्याभिः करवालखेटविलसद्धस्ताभिरासेविताम् ।
हस्तैश्चापदरालिखेटविशिखांश्चापं गुणं तर्जनीं
बिभ्राणामनलात्मिकां शशिधरां दुर्गां त्रिनेत्रां भजे ।

athottaranyaasaah' .
om hreem hri'dayaaya namah' . om cham shirase svaahaa . om d'im shikhaayai vashat' . om kaam kavachaaya hum . om yaim netratrayaaya vaushat' . om hreem chand'ikaayai astraaya phat' .
om khad'ginee shoolinee ghoraa gadinee chakrinee tathaa .
shankhinee chaapinee baanabhushund'eeparighaayudhaa .
hri'dayaaya namah' .
om shoolena paahi no devi paahi khad'gena chaambike .
ghant'aasvanena nah' paahi chaapajyaanih'svanena cha .
shirase svaahaa .
om praachyaam raksha prateechyaam cha chand'ike raksha dakshine .
bhraamanenaatmashoolasya uttarasyaam tatheshvaree .
shikhaayai vashat' .
om saumyaani yaani roopaani trailokye vicharanti te .
yaani chaatyantaghoraani tai rakshaasmaamstathaa bhuvam .
kavachaaya hum .
om khad'gashoolagadaadeeni yaani chaastraani te'mbike .
karapallavasangeeni tairasmaan raksha sarvatah' .
netratrayaaya vaushat' .
om sarvasvaroope sarveshe sarvashaktisamanvite .
bhayebhyastraahi no devi durge devi namo'stu te .
astraaya phat' .
bhoorbhuvah'suvaromiti digvimokah' .
dhyaanam .
vidyuddaamasamaprabhaam mri'gapatiskandhasthitaam bheeshanaam
kanyaabhih' karavaalakhet'avilasaddhastaabhiraasevitaam .
hastaishchaapadaraalikhet'avishikhaamshchaapam gunam tarjaneem
bibhraanaamanalaatmikaam shashidharaam durgaam trinetraam bhaje .