ക്ഷേത്രിയൈ ത്വാ നിർഋത്യൈ ത്വാ ദ്രുഹോ മുഞ്ചാമി വരുണസ്യ പാശാത്.
അനാഗസം ബ്രഹ്മണേ ത്വാ കരോമി ശിവേ തേ ദ്യാവാപൃഥിവീ ഉഭേ ഇമേ..
ശന്തേ അഗ്നിഃ സഹാദ്ഭിരസ്തു ശന്ദ്യാവാപൃഥിവീ സഹൗഷധീഭിഃ.
ശമന്തരിക്ഷഁ സഹ വാതേന തേ ശന്തേ ചതസ്രഃ പ്രദിശോ ഭവന്തു..
യാ ദൈവീശ്ചതസ്രഃ പ്രദിശോ വാതപത്നീരഭി സൂര്യോ വിചഷ്ടേ.
താസാന്ത്വാഽഽജരസ ആ ദധാമി പ്ര യക്ഷ്മ ഏതു നിർഋതിം പരാചൈഃ..
അമോചി യക്ഷ്മാദ്ദുരിതാദവർത്യൈ ദ്രുഹഃ പാശാന്നിർഋത്യൈ ചോദമോചി.
അഹാ അവർതിമവിദഥ്സ്യോനമപ്യഭൂദ്ഭദ്രേ സുകൃതസ്യ ലോകേ..
സൂര്യമൃതന്തമസോ ഗ്രാഹ്യാ യദ്ദേവാ അമുഞ്ചന്നസൃജന്വ്യേനസഃ.
ഏവമഹമിമം ക്ഷേത്രിയാജ്ജാമിശഁസാദ്ദ്രുഹോ മുഞ്ചാമി വരുണസ്യ പാശാത്..