विश्वे देवा वसवो रक्षतेममुतादित्या जागृत यूयमस्मिन् ।
मेमं सनाभिरुत वान्यनाभिर्मेमं प्रापत्पौरुषेयो वधो यः ॥१॥
ये वो देवाः पितरो ये च पुत्राः सचेतसो मे शृणुतेदमुक्तम् ।
सर्वेभ्यो वः परि ददाम्येतं स्वस्त्येनं जरसे वहाथ ॥२॥
ये देवा दिवि ष्ठ ये पृथिव्यां ये अन्तरिक्ष ओषधीषु पशुष्वप्स्वन्तः ।
ते कृणुत जरसमायुरस्मै शतमन्यान् परि वृणक्तु मृत्यून् ॥३॥
येषां प्रयाजा उत वानुयाजा हुतभागा अहुतादश्च देवाः ।
येषां वः पञ्च प्रदिशो विभक्तास्तान् वो अस्मै सत्रसदः कृणोमि ॥४॥

vishve devaa vasavo rakshatemamutaadityaa jaagri'ta yooyamasmin .
memam sanaabhiruta vaanyanaabhirmemam praapatpaurusheyo vadho yah' ..1..
ye vo devaah' pitaro ye cha putraah' sachetaso me shri'nutedamuktam .
sarvebhyo vah' pari dadaamyetam svastyenam jarase vahaatha ..2..
ye devaa divi sht'ha ye pri'thivyaam ye antariksha oshadheeshu pashushvapsvantah' .
te kri'nuta jarasamaayurasmai shatamanyaan pari vri'naktu mri'tyoon ..3..
yeshaam prayaajaa uta vaanuyaajaa hutabhaagaa ahutaadashcha devaah' .
yeshaam vah' pancha pradisho vibhaktaastaan vo asmai satrasadah' kri'nomi ..4..