नक्तंजातासि ओषधे रामे कृष्णे असिक्नि च ।
इदं रजनि रजय किलासं पलितं च यत्॥१॥
किलासं च पलितं च निरितो नाशया पृषत्।
आ त्वा स्वो विशतां वर्णः परा शुक्लानि पातय ॥२॥
असितं ते प्रलयनमास्थानमसितं तव ।
असिक्न्यस्योषधे निरितो नाशया पृषत्॥३॥
अस्थिजस्य किलासस्य तनूजस्य च यत्त्वचि ।
दूष्या कृतस्य ब्रह्मणा लक्ष्म श्वेतमनीनशम् ॥४॥

naktanjaataasi oshadhe raame kri'shne asikni cha .
idam rajani rajaya kilaasam palitam cha yat..1..
kilaasam cha palitam cha nirito naashayaa pri'shat.
aa tvaa svo vishataam varnah' paraa shuklaani paataya ..2..
asitam te pralayanamaasthaanamasitam tava .
asiknyasyoshadhe nirito naashayaa pri'shat..3..
asthijasya kilaasasya tanoojasya cha yattvachi .
dooshyaa kri'tasya brahmanaa lakshma shvetamaneenasham ..4..