समं ज्योतिः सूर्येणाह्ना रात्री समावती ।
कृणोमि सत्यमूतयेऽरसाः सन्तु कृत्वरीः ॥१॥
यो देवाः कृत्यां कृत्वा हरादविदुषो गृहम् ।
वत्सो धारुरिव मातरं तं प्रत्यगुप पद्यताम् ॥२॥
अमा कृत्वा पाप्मानं यस्तेनान्यं जिघांसति ।
अश्मानस्तस्यां दग्धायां बहुलाः फट्करिक्रति ॥३॥
सहस्रधामन् विशिखान् विग्रीवां छायया त्वम् ।
प्रति स्म चक्रुषे कृत्यां प्रियां प्रियावते हर ॥४॥
अनयाहमोषध्या सर्वाः कृत्या अदूदुषम् ।
यां क्षेत्रे चक्रुर्यां गोषु यां वा ते पुरुषेषु ॥५॥
यश्चकार न शशाक कर्तुं शश्रे पादमङ्गुरिम् ।
चकार भद्रमस्मभ्यमात्मने तपनं तु सः ॥६॥
अपामार्गोऽप मार्ष्टु क्षेत्रियं शपथश्च यः ।
अपाह यातुधानीरप सर्वा अराय्यः ॥७॥
अपमृज्य यातुधानान् अप सर्वा अराय्यः ।
अपामार्ग त्वया वयं सर्वं तदप मृज्महे ॥८॥

samam jyotih' sooryenaahnaa raatree samaavatee .
kri'nomi satyamootaye'rasaah' santu kri'tvareeh' ..1..
yo devaah' kri'tyaam kri'tvaa haraadavidusho gri'ham .
vatso dhaaruriva maataram tam pratyagupa padyataam ..2..
amaa kri'tvaa paapmaanam yastenaanyam jighaamsati .
ashmaanastasyaam dagdhaayaam bahulaah' phat'karikrati ..3..
sahasradhaaman vishikhaan vigreevaam chhaayayaa tvam .
prati sma chakrushe kri'tyaam priyaam priyaavate hara ..4..
anayaahamoshadhyaa sarvaah' kri'tyaa adoodusham .
yaam kshetre chakruryaam goshu yaam vaa te purusheshu ..5..
yashchakaara na shashaaka kartum shashre paadamangurim .
chakaara bhadramasmabhyamaatmane tapanam tu sah' ..6..
apaamaargo'pa maarsht'u kshetriyam shapathashcha yah' .
apaaha yaatudhaaneerapa sarvaa araayyah' ..7..
apamri'jya yaatudhaanaan apa sarvaa araayyah' .
apaamaarga tvayaa vayam sarvam tadapa mri'jmahe ..8..