சதி-சிவன் திருமணத்திற்கான கடைசி கட்டம்

தேவர்கள் சிவபெருமானை திருமணம் செய்துவைக்க விரும்பினர். ஆனால் சிவன் பிரம்மச்சாரி. அவருக்கு திருமணத்தில் ஆர்வம் இல்லை. ஆனால் எதிர்காலத்தில் சில அசுரர்களை சிவனின் மகனால் மட்டுமே அழிக்க முடியும். தேவர்கள் தக்ஷபிரஜாபதியை அணுகி அவரை தவம் செய்யச் சொன்னார்கள். தக்ஷன் தேவியிடம் தனக்கு மகளாகப் பிறக்குமாறு வேண்டினார். தேவி ஒப்புக்கொண்டு தக்ஷனின் மகள் சதியாகப் பிறந்தாள்.

சதி சிவன் மீது மிகுந்த பக்தியுடன் வளர்ந்தாள். அவள் அவரை மணக்க விரும்பினாள். சதி சிவன் மீது அவளது அன்பை வெலிகாட்டி அவரை அடையத் தவம் செய்தாள். ஒருமுறை, அவள் ஆசுவின மாதத்தின் சுக்லபக்ஷத்தின் எட்டாவது நாளில் (அஷ்டமி) விரதம் இருந்தாள். ஆழ்ந்த பக்தியுடன் சிவபெருமானை வணங்கினாள். ஒன்பதாம் நாள் (நவமி) அன்று, தியானத்தில் இருந்தபோது, சிவன் அவள் முன் அழகிய வடிவில் தோன்றினார்.

சிவபெருமான் சதியிடம், 'தக்ஷனின் மகளே, உனது பக்தியில் நான் மகிழ்ச்சியடைகிறேன். உன் இதயம் எதை விரும்புகிறதோ, அதை வரம் கேள்.' என்றார். சதிக்கு பேச கூச்சமாக இருந்தது. அவளால் தன் விருப்பத்தை தெளிவாகச் சொல்ல முடியவில்லை. அவள் சிவனை மணக்க விரும்பினாள். ஆனால் அவளுடைய அடக்கம் அவளைத் தடுத்து நிறுத்தியது. அவளின் தயக்கத்தைக் கண்டு மனம் நெகிழ்ந்த சிவபெருமான், 'வரம் கேள் அன்பே' என்று மீண்டும் மென்மையாகப் பேசினார். கடைசியில் சதி தைரியத்தை கூட்டினாள். அவள், 'அரசே, என் விருப்பப்படி திரும்பப் பெற முடியாத வரத்தை எனக்கு வழங்குவாயாக' என்றாள்.

சதியின் சொல்லாத ஆசையைக் கண்ட சிவபெருமான், 'தேவி, நீ எனக்கு மனைவியாக வேண்டும்' என்றார். சதி மிகுந்த மகிழ்ச்சி அடைந்தாள். அவள், 'மகாதேவரே, தயவு செய்து என் தந்தைக்குத் தெரிவித்து முறையான சடங்குகள் மூலம் என்னை மணந்து கொள்ளுங்கள்' என்றாள். சிவன் சம்மதித்து அவளுக்கு ஆசி வழங்கினார். சதி மகிழ்ச்சியுடன் தன் தந்தையின் வீட்டிற்குத் திரும்பினாள்.

சதி திரும்பி வந்ததும், தன் பெற்றோரிடம் தன் தவம் பற்றியும், சிவபெருமானை சந்தித்ததைப் பற்றியும் கூறினாள். சதியின் விருப்பத்தை சிவன் நிறைவேற்றினார் என்ற செய்தியை அவளது தோழர்களும் தெரிவித்தாள். தக்ஷரும் அவர் மனைவி வீரிணியும் மிகுந்த மகிழ்ச்சி அடைந்தனர். பிரம்மாண்டமான கொண்டாட்டத்தை ஏற்பாடு செய்து, பிராமணர்களுக்கும், ஏழைகளுக்கும் பரிசுகள் வழங்கினர். வீரிணி சதியை அன்புடன் அணைத்து பாராட்டினாள்.

இதற்கிடையில், சிவபெருமான் இமயமலையில் உள்ள தனது இருப்பிடத்திற்குத் திரும்பினார். சதியைப் பிரிந்த வேதனையை அவர் உணர ஆரம்பித்தார். அவர் அவளைத் தொடர்ந்து நினைத்தார். உதவி செய்ய பிரம்மாவை அழைத்தார். பிரம்மா, சரஸ்வதியுடன் சிவபெருமான் முன் தோன்றினார். சிவன் பிரம்மாவிடம் தக்ஷரிடம் சென்று சதியை தனக்கு திருமணம் செய்துவைக்குமாறு வேண்டினார்.

இதற்கிடையில், சிவன் மீண்டும் வருவாரா என்ற குழப்பமும் கவலையும் தக்ஷருக்கு ஏற்பட்டது. சதியின் பக்தியால் மகிழ்ந்த சிவன் ஒருமுறை எப்படி வந்து பின்னர் தனது இருப்பிடத்திற்குத் ஏன் திரும்பினார் என்று அவர் நினைத்தார். வேறொருவர் மூலம் முறையான அழைப்பை அனுப்புவது பொருத்தமாக இருக்குமா என்று தக்ஷர் யோசித்தார். மேலும் சிவன் திரும்பி வராமல் இருந்தால், அது தனக்கு மிகவும் சங்கடமாக இருக்கும் என்று பயந்தார்.

அப்போதுதான் பிரம்மா தக்ஷரின் வீட்டிற்குச் சென்றார். சதியை திருமணம் செய்ய சிவனின் விருப்பத்தை அவர் தெரிவித்தார். தக்ஷர் ஒப்புக்கொண்டார். அவர் மிகுந்த மகிழ்ச்சியை உணர்ந்து, 'அப்படியே ஆகட்டும்' என்றார். பின்னர் பிரம்மா தக்ஷரின் சம்மதத்தை தெரிவிக்க சிவபெருமானிடம் திரும்பினார். சதியை மணக்க ஆசைப்பட்ட சிவன் மகிழ்ந்தார். திருமணத்திற்கான ஏற்பாடுகள் தொடங்கின. சதி மற்றும் சிவன் இணைவு விரைவில் நடக்க இருந்தது, அனைத்து தேவர்கள் மற்றும் ரிஷிகள் மகிழ்ச்சியை கொண்டனர்.

Ramaswamy Sastry and Vighnesh Ghanapaathi