അവ്യാദ്വോ വാമനോ യസ്യ കൗസ്തുഭപ്രതിബിംബിതാ.
കൗതുകാലോകിനീ ജാതാ ജാഠരീവ ജഗത്ത്രയീ.
അംഘ്രിദണ്ഡോ ഹരേരൂർധ്വമുത്ക്ഷപ്തോ ബലിനിഗ്രഹേ.
വിധിവിഷ്ടരപദ്മസ്യ നാലദണ്ഡോ മുദേഽസ്തു നഃ.
ഖർവഗ്രന്ഥിവിമുക്തസന്ധിവിലസദ്വക്ഷഃസ്ഫുരത്കൗസ്തുഭം
നിര്യന്നാഭിസരോജകുഡ്മലപുടീഗംഭീരസാമധ്വനി.
പാത്രാവാപ്തിസമുത്സുകേന ബലിനാ സാനന്ദമാലോകിതം
പായാദ്വഃ ക്രമവർധമാനമഹിമാശ്ചര്യം മുരാരേർവപുഃ.
ഹസ്തേ ശസ്ത്രകിണാങ്കിതോഽരുണവിഭാകിർമീരിതോരഃസ്ഥലോ
നാഭിപ്രേംഖദലിർവിലോചനയുഗപ്രോദ്ഭൂതശീതാതപഃ.
ബാഹൂർമിശ്രിതവഹ്നിരേഷ തദിതി വ്യാക്ഷിപ്യവാക്യം കവേഃ
താരൈരധ്യയനൈർഹരൻബലിമനഃ പായാജ്ജഗദ്വാമനഃ.
സ്വസ്തി സ്വാഗതമർഥ്യഹം വദ വിഭോ കിം ദീയതാം മേദിനീ
കാ മാത്രാ മമ വിക്രമത്രയപദം ദത്തം ജലം ദീയതാം.
മാ ദേഹീത്യുശനാബ്രവീദ്ധരിരയം പാത്രം കിമസ്മാത്പരം
ചേത്യേവം ബലിനാർചിതോ മഖമുഖേ പായാത്സ വോ വാമനഃ.
സ്വാമീ സൻഭുവനത്രയസ്യ വികൃതിം നീതോഽസി കിം യാച്ഞയാ
യദ്വാ വിശ്വസൃജാ ത്വയൈവ ന കൃതം തദ്ദീയതാം തേ കുതഃ.
ദാനം ശ്രേഷ്ഠതമായ തുഭ്യമതുലം ബന്ധായ നോ മുക്തയേ
വിജ്ഞപ്തോ ബലിനാ നിരുത്തരതയാ ഹ്രീതോ ഹരിഃ പാതു വഃ.
ബ്രഹ്മാണ്ഡച്ഛത്രദണ്ഡഃ ശതധൃതിഭവനാംഭോരുഹോ നാലദണ്ഡഃ
ക്ഷോണീനൗകൂപദണ്ഡഃ ക്ഷരദമരസരിത്പട്ടികാകേതുദണ്ഡഃ.
ജ്യോതിശ്ചക്രാക്ഷദണ്ഡസ്ത്രിഭുവനവിജയസ്തംഭദണ്ഡോഽംഘ്രിദണ്ഡഃ
ശ്രേയസ്ത്രൈവിക്രമസ്തേ വിതരതു വിബുധദ്വേഷിണാം കാലദണ്ഡഃ.
യസ്മാദാക്രാമതോ ദ്യാം ഗരുഡമണിശിലാകേതുദണ്ഡായമാനാ-
ദാശ്ച്യോതന്ത്യാബഭാസേ സുരസരിദമലാ വൈജയന്തീവ കാന്താ.
ഭൂമിഷ്ഠോ യസ്തഥാന്യോ ഭുവനഗൃഹമഹാസ്തംഭശോഭാം ദധാനഃ
പാതാമേതൗ പയോജോദരലലിതതലൗ പങ്കജാക്ഷസ്യ പാദൗ.
കസ്ത്വം ബ്രഹ്മന്നപൂർവഃ ക്വ ച തവ വസതിര്യാഖിലാ ബ്രഹ്മസൃഷ്ടിഃ
കസ്തേ നാഥോ ഹ്യനാഥഃ ക്വ സ തവ ജനകോ നൈവ താതം സ്മരാമി.
കിം തേഽഭീഷ്ടം ദദാമി ത്രിപദപരിമിതാ ഭൂമിരല്പം കിമേതത്
ത്രൈലോക്യം ഭാവഗർഭം ബലിമിദമവദദ്വാമനോ വഃ സ പായാത്.
മാരുതി സ്തോത്രം
ഓം നമോ വായുപുത്രായ ഭീമരൂപായ ധീമതേ| നമസ്തേ രാമദൂതായ കാമര....
Click here to know more..വ്രജഗോപീ രമണ സ്തോത്രം
അസിതം വനമാലിനം ഹരിം ധൃതഗോവർധനമുത്തമോത്തമം. വരദം കരുണാല....
Click here to know more..നിങ്ങളുടെ സ്വത്തിന്റെ സംരക്ഷണത്തിനായി ക്ഷേത്രപാല മന്ത്രങ്ങൾ
ഓം ഹേതുകക്ഷേത്രപാലായ നമഃ ഓം ത്രിപുരാന്തകക്ഷേത്രപാലായ ....
Click here to know more..