पद्माधिराजे गरुडाधिराजे
विरिञ्चराजे सुरराजराजे ।
त्रैलोक्यराजेऽखिलराजराजे
श्रीरङ्गराजे रमतां मनो मे ॥
नीलाब्जवर्णे भुजपूर्णकर्णे
कर्णान्तनेत्रे कमलाकलत्रे ।
श्रीमल्लरङ्गे जितमल्लरङ्गे
श्रीरङ्गरङ्गे रमतां मनो मे ॥
लक्ष्मीनिवासे जगतां निवासे
हृत्पद्मवासे रविबिम्बवासे ।
क्षीराब्धिवासे फणिभोगवासे
श्रीरङ्गवासे रमतां मनो मे ॥
कुबेरलीले जगदेकलीले
मन्दारमालाङ्कितचारुफाले ।
दैत्यान्तकालेऽखिललोकमौले
श्रीरङ्गलीले रमतां मनो मे ॥
अमोघनिद्रे जगदेकनिद्रे
विदेहनिद्रे च समुद्रनिद्रे ।
श्रीयोगनिद्रे सुखयोगनिद्रे
श्रीरङ्गनिद्रे रमतां मनो मे ॥
आनन्दरूपे निजबोधरूपे
ब्रह्मस्वरूपे क्षितिमूर्तिरूपे ।
विचित्ररूपे रमणीयरूपे
श्रीरङ्गरूपे रमतां मनो मे ॥
भक्ताकृतार्थे मुररावणार्थे
भक्तसमर्थे जगदेककीर्ते ।
अनेकमूर्ते रमणीयमूर्ते
श्रीरङ्गमूर्ते रमतां मनो मे ॥
कंसप्रमाथे नरकप्रमाथे
दुष्टप्रमाथे जगतां निदाने ।
अनाथनाथे जगदेकनाथे
श्रीरङ्गनाथे रमतां मनो मे ॥
सुचित्रशायी जगदेकशायी
नन्दाङ्कशायी कमलाङ्कशायी ।
अम्भोधिशायी वटपत्रशायी
श्रीरङ्गशायी रमतां मनो मे ॥
सकलदुरितहारी भूमिभारापहारी
दशमुखकुलहारी दैत्यदर्पापहारी ।
सुललितकृतचारी पारिजातापहारी
त्रिभुवनभयहारी प्रीयतां श्रीमुरारिः ॥
रङ्गस्तोत्रमिदं पुण्यं प्रातःकाले पठेन्नरः ।
कोटिजन्मार्जितं पापं स्मरणेन विनश्यति ॥
padmaadhiraaje garud'aadhiraaje
virincharaaje suraraajaraaje .
trailokyaraaje'khilaraajaraaje
shreerangaraaje ramataam' mano me ..
neelaabjavarne bhujapoornakarne
karnaantanetre kamalaakalatre .
shreemallarange jitamallarange
shreerangarange ramataam' mano me ..
lakshmeenivaase jagataam' nivaase
hri'tpadmavaase ravibimbavaase .
ksheeraabdhivaase phanibhogavaase
shreerangavaase ramataam' mano me ..
kuberaleele jagadekaleele
mandaaramaalaankitachaaruphaale .
daityaantakaale'khilalokamaule
shreerangaleele ramataam' mano me ..
amoghanidre jagadekanidre
videhanidre cha samudranidre .
shreeyoganidre sukhayoganidre
shreeranganidre ramataam' mano me ..
aanandaroope nijabodharoope
brahmasvaroope kshitimoortiroope .
vichitraroope ramaneeyaroope
shreerangaroope ramataam' mano me ..
bhaktaakri'taarthe muraraavanaarthe
bhaktasamarthe jagadekakeerte .
anekamoorte ramaneeyamoorte
shreerangamoorte ramataam' mano me ..
kam'sapramaathe narakapramaathe
dusht'apramaathe jagataam' nidaane .
anaathanaathe jagadekanaathe
shreeranganaathe ramataam' mano me ..
suchitrashaayee jagadekashaayee
nandaankashaayee kamalaankashaayee .
ambhodhishaayee vat'apatrashaayee
shreerangashaayee ramataam' mano me ..
sakaladuritahaaree bhoomibhaaraapahaaree
dashamukhakulahaaree daityadarpaapahaaree .
sulalitakri'tachaaree paarijaataapahaaree
tribhuvanabhayahaaree preeyataam' shreemuraarih' ..
rangastotramidam' punyam' praatah'kaale pat'hennarah' .
kot'ijanmaarjitam' paapam' smaranena vinashyati ..
Anjaneya Dandakam
shree aanjaneyam prasannaanjaneyam prabhaadivyakaayam prakeertipradaayam....
Click here to know more..Ganga Lahari Stotram
samri'ddham saubhaagyam sakalavasudhaayaah' kimapi tan mahaishvaryam leelaajanitajagatah' khand'aparashoh'. shruteenaam sarvasvam sukri'tamatha moorta....
Click here to know more..Why Did Shiva Kill Kamadeva?
Explore why the god of love, Kamadeva, was burned to ashes! This story teaches us about the importance of limits and respect for divine laws.....
Click here to know more..